PIA Press Release
Sunday, January 01, 2012 Cebuano News: Lisud nga kahimtang sa mga biktima sa Sendong nakita sa Mis. Occ.by Pat Nano OROQUIETA CITY, Misamis Occidental, January 1 -- Mas gikinahanglan karon sa mga kaigsuonan sa Cagayan de Oro City lakip na ang Iligan City ang ‘regular’ nga pundo sa tubig mainom ug ang tubig usab nga magamit sa ilang pagpanglimpyo samtang ana-a pa sila nanimuyo sa ‘evacuation center.’ Kini human nawala ang 80 porsiyento nga pundo sa tubig sa mga dapit sa Cagayan de Oro City ug Iligan City nga apektado sa pagbaha niadtong miaging semana nga gikan sa ‘water district.’ Apan bisan pa man nga adunay magamit nga tubig gikan sa water district, dili makasiguro ang kagamhanang lokal nga luwas kini nga paga-imnon gumikan kay adunay posibilidad nga kontaminado kini sa hugaw. Kini ang hinungdan nga bisan niining higayona, makapadala ang kagamhanang probinsyal og mga limyong tubig nga andam paga-imnon sa mga kaigsuonan aron luwas sila sa bisan unsang kontaminasyon samtang ana-a pa sila sa mga evacuation center. Gawas nga walay klarong pundo sa mga ‘potable water’ ug ang tubig usab nga ilang magamit sa pagligo ug pagpanglaba, walay usay klaro nga pundo sa kuryente. (PIO/PIA-10) | 
