PIA Press Release
Sunday, January 01, 2012

Waray News: ID lumingi ha disaster response ha Eastern Visayas

CATBALOGAN CITY, Samar, Jan 1 (PIA) -- Ginlingi naman han 8th Infantry (Stormtroopers) Division (8th ID) an iya disaster response effort tikang ha Northern Mindanao tipaladi ha mas harani ha iya—an Eastern Visayas.

Dara hini, an pag kolekta hin mga relief goods para Northern Mindanao in gin-undang la anay basi matutukan naman an panginahanglan han mga taga Eastern Visayas.

Dara hin hangyo han Office of the Civil Defense ngan local government units ha Regions 8, han naglabay nga Disyembre 27, an 8th ID units in nagresponde kaupod an Philippine National Police (PNP) pag salbar hin katawhan nga apektado hin babaha ha Leyte. Dara han duro nga uuran, an National Disaster Risk Reduction Management Council (NDRRMC) in nagdeklararhan pira nga bungto han Leyte komo under a state of calamity.

Ha usa nga text message nga iginpasa tikang kan Commanding General Mario Chan han 8th ID , usa daw nga water search and rescue (WASAR) team kaupod in pira nga nurses in nagdara hin rubber boats tipakadto ha Abuyog Leyte kun diin duro an babaha.

Nahuman an pagtirok hin mga relief goods para Northern Mindanao kataliwan mag hagos in usa ka semana nga pag kolekta hin mga relief goods ngan pagdara hini ngadto ha mga syudad han Mindanao. Umabot daw an natirok nga relief goods hin 373 sako hin used clothing, 16 sako hin bugas, 20 ½ ka kahon hin canned goods, 22 ka kahon nga noodles ngan upat ka kahon hin noodles, ngan upat ka kahon nga mineral water an nahi hatod na ha mga biktima han Sendong.

“The concerted effort made by the 8ID, local government units and private sectors in Region 8 to help the typhoon victims in Region 10 is a manifestation of “bayanihan” in national scope,” segun kan MGen Chan, Commander han 8th ID. (NBQ with 8th ID)