Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 August 2017 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
PBB Guidelines 2016
Click to Open
PIA Snapshot

120201-r6-goodjob
PIA Online
One Mindanao eNewsmagazine
One Visayas eNewsletter
One Luzon eNewsmagazine
ST@R eNewsmagazine
PIA Members Only:
PMIS | PANP Phone Directory
PIAEA Corner:
Application | View PIAEA Site
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
Information to Empower Filipinos
English NewsFoto ArchivesRegional WatchOFW Watch
FrontpageHeadlines by RegionNews ArchivePIA SpecialsICT News

PIA Press Release
Sunday, January 01, 2012

 

Ilokano news: Ilokano iti Hawaii apektado iti panagsuek ti ekonomia ti Amerika

ni Ben P. Pacris

SANTA, Ilocos Sur, Jan. 01 (PIA) -- Apektado dagiti Ilokano nga agnanaed ken mangmangged iti Hawaii gapu iti panagsuek ti ekonomia iti Amerika gapu iti makunkuna a “global recession.”

Daytoy ti imbutaktak ni Danilo Villaruz, presidente ti Ilocos Surian Association of Hawaii (ISAH) bayat iti naangay a “Kapihan iti Amianan” Media Forum iti mismo a pagtaenganna iti Barangay Rancho iti daytoy a coastal town itay lawasna Naipabuya iti Iluko Heritage Channel, Channel 16 local tv ken nangegan iti DWRS Commando ti nasao a media forum .

“Naapektaran ti kasasaad ti panagbiag dagiti padatayo nga Ilokano iti Hawaii ken dadduma pay a paset ti Amerika gapu iti economic meltdown,” kinuna ti mangidadaulo iti gunglo dagiti tubo iti Ilocos Sur iti isla iti Hawaii.

Kinuna ni Villaruz a mapaspasamak ti makunkuna a “furlough” wenno panagbakasion ta no lima nga aldaw ti panagtrabaho, agbalin laengen nga uppat nga aldaw a makissayan ti matgedan dagiti trabahador. “Isu nga adu a Filipino ken dagiti padatayo nga Ilokano ti saandan a mabayadan iti utangda iti banko kadagiti naisalda a babalayda ta nangina ti interest a baybayadanda ngem bimmaba met ti matmatgedanda,” innayon ti opisial ti ISAH.

Numan pay kasta, inlawlawagna a nagaget ken naandur dagiti Ilokano ta naruamda iti rigat, kinaagpaysuanna “adda pay dagiti nagmula iti marunggay ken okra kadagiti parparaaangan ti pagtaenganda, paglasinan nga Ilokano dagiti bumalay.” Ngem saan latta a mapukaw ti “crab mentality” dagiti Filipino iti Hawaii ta mabalin a paset ti kultura dayta, innayonna.

Ngem saan met unay nga apektado iti racial discrimination dagiti Ilokano iti Hawaii ta adu met dagiti mabigbig ken nagballigi nga Ilokano iti tay-ak ti politika ken negosio, kinuna ni Villaruz. Nadakamatna da dati a Gobernador Benjamin Cayetano a puonda iti Pangasinan, ni dati a Congressman Jun Abinsay iti Vigan; dati a Congressman Romy Cachola iti Vigan ken Narvacan; ken Lito Alcantara, taga- San Vicente, Ilocos Sur, nalatak a contractor iti Hawaii a nangidaulo idi ti Filipino-American Chamber of Commerce and Industry iti Hawaii.

Kinunana a napukaw metten ti nalatak a nagtrabahuan idi dagiti Sacada iti Hawaii kas iti plantasion ti unas ngem kaaduanna ita a pagtrabahuan dagiti Ilokano ket dagiti hotel gapu iti awis ti turismo iti nasao nga isla.

Kinuna pay ni Villaruz a tumutltulong dagiti kameng ti ISAH a bukbuklen ti 15,000 a miembro iti pannakaisayangkat ti Medical Mission iti Ilocos Sur kas iti naangay iti Cabugao a nakaserbian ti agarup 1,400 a nakukurapay nga umili pakairamanan iti Sinait ken Santa.

Nangipaayda pay iti Christmas Regalo kadagiti nakukurapay a pamilia aglalo kadagiti nadidigra iti napalabas a bagyo kadagiti coastal barangays iti Santa malaksid laeng kadagiti scholarship program kadagiti nakukurapay ngem nasisirib nga estudiante iti probinsia.

Kabayatanna, inwaragawag ni Ruben Querubin, taga- Caoayan, Ilocos Sur ngem agtrabaho ken agnanaeden ti pamiliana iti California, USA, a nagbakasion pay laeng iti Ilokos gapu ta “narigat ita ti biag iti Amerika.”

“Adu dagiti naawanan iti balbalayda gapu iti krisis ti ekonomia. Adun sa payen dagiti matmaturog iti kalsada. Adu dagiti naawanan iti trabaho,” kinuna ti medical technician iti maysa nga ospital iti California. (ANL/BPP-PIA 1 Ilocos Sur)

Latest Stories
  • DOST project beneficiary produces biggest 'ulang' (R02)
  • Solar energy to light up 75 more houses in off-grid areas in NegOr (R07)
  • DA plans to use Mindanao program in Luzon (R11)
  • DSWD 1 marks its 61st anniversary celeb in February (R01)
  • 500 poor families get 'bags of blessing' (R06)
  • Close to 200 Negros Occidental police officers get promotion (R06)
  • NGO urges public to collect, propagate seeds to create native tree forests in CV (R07)
  • Police Information Officers receives commendation medals (R06)
  • DSWD brings Pantawid Pamilya program to Dumaguete City (R07)
  • LGU issues guidelines on use of municipal filling station (CAR)
  • NGO to hold free breast, cervical cancer screening (R07)
  • Aklan detainees trained on proper waste management (R06)
  • Hiligaynon news: DOLE 6 may bag-o nga direktor (R06)
  • Mangrove tree planting to highlight World Wetlands Day (R06)
  • Balikbayan finds ulang production profitable (R02)
  • Hiligaynon news: Impormasyon sa populasyon sa Iloilo nagapakita pagkinahanglan sa pagmanehar sing maayo (R06)
  • Various activities to mark World Wetlands Day in Iloilo (R06)
  • Tagalog News: Tapul Reef, ipinapadeklarang fish sanctuary (MIM)
  • Hiligaynon news: Alert Level sa Yemen napanubo sa level 2 – DFA (R06)
  • P118-M worth of Infra projects implemented by Dipolog in 2011 (R09)
    FotoCatalogSitestats  
    GOOD NEWS Series
    goodnews
    PIA Special Sites:

    ASEAN Philippines

    Philippine Official Gazette | Office of the President | Presidential Communications Operations Office
    For comments and feedback, please email PIA Newsdesk
    Copyright © 2005 Philippine Information Agency
    PIA Building, Visayas Avenue, Diliman, Quezon City 1101 Philippines