PIA Press Release
Monday, January 02, 2012

Cebuano news: Army, mi-instalar ug water purifying machines sa Cagayan de Oro

MANILA, Jan. 2 (PIA) -- Sulod sa duha ka semana, nalukop gihapon sa tubig ang daghang komunidad sa Cagayan de Oro ug Iligan City dala sa bagyong Sendong apan ang katawhan walay mainom nga tubig hangtod gi-instalar sa Philippine Army ang mga water purifying machines aron paglipay sa mga residente atol sa pagsaulog sa bag-ong tuig.

Matod pa ni army spokesman Major Harold Cabunoc, ang mga water purifying machines gipahulam sa US Marine Forces Pacific isip ilang hinabang sa mga biktima sa baha sa Northern Mindanao.

Samtang si Army chief Lt. Gen. Emmanuel Bautista gidayeg ang mga paningkamot sa kasundalohan kalabot sa relief ug rescue operations human sa dakong kadaot nga dala sa bagyong Sendong.

“Malipayon ako nga buhi kaayo ang Bayanihan spirit sa mga Pilipino. Akong isaad nga ang mga kasundalohan magpadayon pagsuporta sa local nga kagamhanan ug ubang ahensiya sa gobyerno sa pagtukod ug usab sa kinabuhi sa mga katawhan nga naapektohan sa Sendong,” si Bautista nagkanayon.

Si Cabunoc miingon nga “sa sinugdan, nanagana ang katawhan pag-inom sa processed water nga gikan sa lubog nga tubig sa suba.”

“Aron pagpapas sa ilang kabalaka, ang mga sundalo ug mga lider sa komunidad ang miuna pagtilaw sa bag-ong gi-purify nga tubig,” si Cabunoc miingon.

Matod pa niya nga sa purification process, ang mga residente natingala nga ang brown ug color nga tubig gikan sa suba hinay-hinay nga mitin-aw ug nahimong limpiyo ug mainom nga tubig.

Aron pagmatuod pa gayud nga ang maong tubig luwas nga mainom, si Lidelia Mesina, usa ka lisensiyadong chemist ug residente sa Hinaplanon Village sa Iligan City mi-inspeksiyon sa duha ka water purifying machines – Aspen 5000 model nga maka-purify o molimpyo sa 5,000 gallons nga tubig matag adlaw, ug ang Aspen 200 model nga dunay kapasidad pag-purify sa 500 gallons matag adlaw nga gi-instalar sa Macasanding Village, Cagayan de oro City. (ALT-PIA9/Zambo Sur)