PIA Press Release
Monday, January 02, 2012

Waray News: Ngatanan nga sistema andam na para sa 2012 nga mga proyekto– DPWH

MANILA –- An Department of Public Works and Highways (DPWH) in nakatalaan magtikang san implementasyon san mga proyekto nga nakaprograma para sa 2012 nga nakantidad 125.5 bilyones ka pesos dida san pagtikang san procurement nga mga buruhaton nga ginhimo temprano pa durante sa fourth quarter sa tuig 2011.

Sugad ni Secretary Rogelio Singson, an temprano nga procurement magpapasilitar san pagtikang san implementasyon san proyekto durante san promero nga quarter sa tuig 2012, dida san iya paghatag direktiba ngada san DPWH field officials nga palaksihon an bidding san mga proyekto dida sa ira nasasakopan nga lugar.

Sa plano san Department of Budget and Management (DBM) nga komprehensibo nga I release an mga pondo san proyekto sa Enero 2012, kinahanglan andam an buhatan san pag implementar san mga proyekto para makatagamtam san maupay nga kondisyon san panahon durante san promero nga tulo ka bulan san tuig, sugad ni Secretary Singson.

Dugang niya, an implementasyon san 2012 nga budget in naiiba kaysa san 2011. An kaudganan san mga proyekto ig aaward sa promero nga quarter sa 2012.

May gin-alokar nga total nga P125.5 bilyones para sa DPWH sa ilarum san General Appropriation Act o GAA, nga yaun umento sin 13.5 porsyento dida san kanan 2011 budget nga P110.6 bilyones, ini an sugad ni Singson. An DPWH nagpapabilin nga ikaduha san alokasyon san budget nasunod sa Department of Education. Matutok an buhatan san pagpakaupay san national roads dida san kualidad ngan seguridad.

Sa 2012 DPWH budget, P29.7 bilyones an ikakadto sa rehabilitasyon ngan pag mentenar san national nga mga sigad nga tulay, P15.9 bilyones para san pag upgrade ngan pagpahaluag san 809 kilometros (km) nga national roads, P38.5 bilyones para magtindog sin 6,229 km nga mga bag-o nga sigad ngan 15,292 linear meters nga mga bag-o nga tulay. (Ailene Diaz/PIA-Northern Samar)