PIA Press Release
Monday, January 02, 2012

Cebuano News: Malacañang gipasidunggan ang agresibo nga kampanya sa gobyerno kontra paggamit sa delikadong paboto nga maoy hinungdan sa pag kunhod sa ihap sa mga firecracker-related injuries

SURIGAO CITY, Surigao del Norte, Enero 2 (PIA) – Ang Malacañang nalipay sa paunang mga taho sa mga awtoridad sa maayong panglawas nga ang pagselerabrar sa New Year karong tuiga malinawon “generally peaceful” uban ang pagkunhod og 13 porsyento sa mga nasamdan kalabot na sa paboto kumpara sa datos niaging tuig.

Si Communications Secretary Herminio “Sonny” Coloma, Jr. ug si Deputy Presidential Spokesperson Abigail Valte mihatag og pasidungog sa maong resulta ngadto sa agresibo nga kampanya sa gobyerno kontra sa paggamit sa delikadong mga paboto ug uban pang mga materyales sa pagsugat sa Bag-ong Tuig.

“Tila nagbunga ang pagsisikap ng ating pamahalaan na ilayo sa mga paputok ang ating mga kababayan upang maiwasan ang panganib. Sana’y mapalitan na ang kaisipan natin ng isang higit na makabuluhang paraan ng pagdiriwang na ligtas at mas hindi nagdudulot ng pinsala at pagsisisi,” sulti ni Coloma sa iyang mensahe sa text nga gipadala ngadto sa mga reporter niadtong Domingo.

Samtang si Valte mipadayag usab sa susamang mensahe ug midugang nga bisan pa sa positibo nga mga taho, dili gihapon walaon sa gobyerno ang kampanya kontra sa paggamit og paboto.

“While the New Year celebration was generally peaceful, we will continue the aggressive campaign for the reduction of fireworks-related injuries. Better to celebrate the New Year with hope than spending it in the hospital,” siya miingon.

Kay bisan gani si Pangulong Benigno S. Aquino III aktibo gyud nga nagsuporta sa tinuig nga kampanya sa Department of Health (DOH) kontra paboto nga maoy nag-unang hinungdanan sa mga kadaot ug pagkamatay sa katawhan labi na sa mga kabataan nga duol niining mga butanga.

“Huwag na po ninyong tangkilikin ang mga paputok na ito; ipag-alaman din sa kinauukulan ang mga makitang nagtitinda o may tangan ng mga ito,” ang Pangulo miingon sa iyang pahinumdom ngadto sa mga Filipino pipila ka mga adlaw usa ang Bag-on Tuig, sa pagpasabot nga adunay laing luwas nga paagi sa pagselebrar sa maong okasyon.

Ang DOH mipatuman sa kampanya nini karong tuiga nga gitawag og APIR o Aksyon: Paputok Injury Reduction campaign uban ang tabang sa Philippine National Police ug uban pang mga ahensya sa pagpaningkamot nga makunhoran ang ihap sa mga kadaot sa paboto ug pagkamaty samtang magselebrar sa Bag-ong Tuig. (PIA-Surigao del Norte)