PIA Press Release
Monday, January 02, 2012 Cebuano News: SK sa Oroquieta mipahigayon sa ‘Drug Symposium’by Pat NanoOROQUIETA CITY, Misamis Occidental, January 2 -- Mipahigayon sa usa ka symposium kabahin sa droga ang mga kabatan-onan sa barangay Tabok Norte sakop sa dakbayan sa Oroquieta bag-ohay. Ang nasangpit nga symposuim ang gipasiugdahan gayod mismo sa mga opisyal sa Sangguniang Kabataan sa nasangpit nga lungsod ubos usab sa pagsuporta sa amahan sa barangay nga si Barangay Kapitan Alfredo Bolleno, Jr. Sumala pa ni SK Chairman Janice Aguilo nga gipahigayon nila ang usa ka drug symposuim sa ilang barangay alang sa iyang mga ginsakop nga mga kabatan-onan aron kahatagan sila sa kasayuran kabahin sa mga kadaot nga ikahatag sa paggamit sa droga. Gipasabot ni Aguilo nga gumikan sa iyang nakita nga aduna nay mga kabataan sa ilang barangay nga iyang nakita nga naggamit ug gani nagumon na sa droga, hinungdan nga mihimo gilayon siya sa lakang aron kini mapakgang ug dili na makatakod pa sa uban pinaagi sa ilang paghatag kanila sa pahimangno ug edukasyon kabahin sa droga gikan sa ilang mga ‘resource speakers’ sa ‘drug symposuim.’ Mipadayag usab si Aguilo sa iyang pagdasig sa kabatan-onan dili lang sa ilang barangay kon dili sa tanang kabatana-onan sa tibuok probinsya sa paglikay sa paggamit sa mga ginadiling droga aron dili maguba ang ilang maayong mga kaugmaon. Samtang mipasalamat usab si Aguilo sa paghatag ni Governor Hermie Ramiro sa dakong pagtagad sa kabatan-onan ilabina ang pagapahigayon sa mga ‘drug symposuim’ sa tibuok probinsya. (PIO/PIA-10) | 
