PIA Press Release
Tuesday, January 03, 2012 Waray News: AFP mitapos sa 18 ka adlaw nga ceasefire COTABATO CITY, Jan. 3 (PIA) –- Natapos na kagahapon nga adlaw, Enero 2, ang18 ka adlaw nga ceasefire nga gideklarar sa Armed Forces of the Philippines (AFP) nga nagsugod niadtong Disyembre 16 alang sa kasaulogan sa kapaskohan. Si Maj. Harold Cabunoc, spokesman sa Philippine Army, mibutyag nga mibalik na sila sa ilang misyon sa kalinaw ug kalamboan sa mga hilit nga dapit sa nasud apan gipahimangnoan sa pagbantays a ilang seguridad sa posibleng pag-atake sa mga rebeldeng New People’s Army (NPA). Sa miaging buwan, giatake sa mga komunistang rebelde ang community organizing and peace development (COPD) teams sa Surigao del Sur diin kini mikalas sa kinabuhi sa pipila ka mga kasundalohan. Kauban sa AFP ang Philippine Army sa implementasyon sa Internal Peace and Security Plan (IPSP) “Bayanihan” program sa mga insurgency-affected areas sa nasud. Si Cabunoc midugang nga bisan pa man sa ilang tinguha pagtabang sa ekonomikanhong kalamboan sa mga hilit nga dapit, magpadayon usab sila pagdepensa sa mga komunidad batok sa mga armadong pagpanulong nga makadisturbo sa kalinaw sa mga komunidad pinasubay sa IPSP strategy nga nagtinguha sa kalinaw kaysa pagpilde sa mga kaaway. Giseguro sa mga kasundalohan ang kalambigitan sa mga nahitungdan, nasudnon ug local nga mga ahensiya, non-government entities, ug tanan lumulupyo aron mabantayan ang kalinaw ug seguridad. Pipila ka mga grupo sa Philippine Army sa tibuok nasud ang naggamit sa “Whole of Nation Approach” ug “People-Centered Approach” aron makab-ot ang kalinaw sa katawhan. (Translated by LPT/PIA Biliran8) | 
