PIA Press Release
Tuesday, January 03, 2012 Cebuano News: Hepe sa Kapulisan mitunol sa hinabang ngadto sa mga dakbayan sa CdeO, Iliganby Elaine O. Ratunil CAGAYAN DE ORO CITY, January 03 (PIA) -- Ang Philippine National Police (PNP), pinangunahan sa hepe niini, Police Director General Nicanor A. Bartolome, mitunol sa hinabang salapi ngadto sa mga dakbayan sa Cagayan de Oro ug Iligan alang sa mga biktima sa bagyong ‘Sendong.’ Alang sa Cagayan de Oro, mokabat sa P1.5 ka milyon ang gitunol niini pinaagi ngadto ni Mayor Vicente Y. Emano atol sa pagbisita sa mga kadagkoan sa kapulisan. Gawas sa ‘cash donation,’ nang-apud-apod usab ang kapulisan sa ‘relief goods’ gilangkoban sa bugas, sanina, baldi, pares sa tsinelas ug mga ‘grocery item’ ngadto sa mga naapektuhan sa barangay Macasandig sa Cagayan de Oro. Nag-apud-apod usab kini sila ngadto sa barangay Luinab sa dakbayan sa Iligan. Diin mokabat sa liboan ka mga pamilya ang natagaan sa maong pang-apud-apod. Sa laing bahin, mibisita usab kini sila sa usa ka pulis nga nawad-an sa kinabuhi atol sa pagtabang niini sa pagluwas sa mga biktima sa bagyong Sendong. Kauban ni Police Director Bartolome sila si Police Director Victorino S. Panganiban, Jr., Directorate for Integrated Police Operations, Eastern Mindanao; PCSupt. Roque Ramirez, Civil Security Group; ug PCSupt. Jufel C. Adriatico, Regional Director, Police Regional Office (PRO)-10. (PIA-10) |
