PIA Press Release
Tuesday, January 03, 2012 Cebuano News: PNP mipadala sa mga psychologist aron sa pag-abag sa ‘stress briefing’by Elaine O. Ratunil CAGAYAN DE ORO CITY, January 03 (PIA) -- Ang headquarter sa Philippine National Police (PNP) sa Camp Crame mipadala sa tulo (3) ka mga Psychologist aron sa pagtabang sa Department of Social Welfare and Development (DSWD) sa pagpahigayon sa ‘stress debriefing’ ngadto sa naapektuhan sa bagyong ‘Sendong.’ Pinangunahan kini ni PInsp. Michael Go sa PNP General Hospital sa Camp Crame, inubanan nila PInsp. Ramil L. Tiu ug PO2 Vernie Pascua. Ang ‘stress debriefing’ gikinahanglan aron sa pagtabang sa katawahan sa pagsagubang sa mga abnormal nga mga kahimtang, matud pa ni PCSupt. Jufel C. Adriatico, ang Regional Director sa Police Regional Office (PRO)-10. Lakip usab niini ang pagpahupay sa mga sangputanan sa usa ka kritikal nga panghitabo, sumala ni Adriatico. Dugang pa niya nga isip usab kini sa pagtabang sa mga biktima mahibalik sa naandang mga gimbuhaton ug pagsanta sa mamahimong dili maayong mga kahimtang sa pangutok sama sa ‘Post-Traumatic Stress Disorder.’ (PIA-10) | 
