PIA Press Release
Tuesday, January 03, 2012

Waray news: Pagselebrar han International Year of Cooperatives paghihimoon han Pilipinas

Ha pagbaton ha panawagan han United Nations, an Philippine National Committee in ginporma pinaagi han inisyatiba han CDA, sering n CDA regional director Anacleto Tumapon.

An nasabi nga komitiba in nagpagawas hin usa nga kumprehensibo nga programa nga mga estrateheya kun diin nakapahamtang hin klaro kun tipaunanho an 20,000 nga mga kuoperatiba ha Pilipinas nga may pito ka-milyones nga mga meyembro in magkaka-urosa dida han selebrasyon kun diin igpapakita an usa katuig nga mga aktibidad pagpahamtang han kuoperatiba ha imahinasyon han publiko bali instrumento pagpauro-upay han sosyedad.

Sering ni Tumapon nga an tema nga ginhimo han National Committee for the Philippines amo an “Transformative Cooperatives for People, Planet, Prosperity and Peace,” kun diin markado an klase han mga kuoperatiba nga igpaparayaw han Pilipinas didto ha International Year of Cooperatives (IYC) ngan lahos pa hini.

An kanan Pilipinas IYC nga plano in ginhimo para magserbi bali kanan Pilipinas blueprint ha pagselebrar han okasyon nga nagtikang dida han Oktubre 2011 ngan matatapos ha Oktubre 2012.

An ngatanan nga mga pederasyon han mga kuoperatiba ngan han mga union in gin-aaghat pagtirok han ira ngan han kanan ira mga meyembro IYC mga inisyatiba pagselebrar kun diin an nasabi nga plano in ig-uupod dida han kanan Pilipinas mga aktibidad ngan mapahirohilawig an mga pundo.

An dokumento in maghahatag gihapon hin duon han mga tema han mga aktibidad nga pagdudumaraon kun diin nakasentro dida han 4Ps nga nakabutang dida han tema.

“All cooperative federations and unions are enjoined to anchor theirs and their member’s IYC celebration initiatives with the said plan to harmonize the Philippine activities and maximize our resources,” sering ni Tumapon.

Bali kaparti han kanan Pilipinas selebrasyon, an ngatanan nga mga kuoperatiba ha bug-os nga nasud pinaagi han ira mga pederasyon ngan mga union in ginhahangyo nga magin kaparti han selebrasyon pinaagi hin pagbitay hin mga IYC banners, mga streamer, nga mga banderitas ha ira tagsa-tagsa nga mga lugar; pinaagi hin paggamit han IYC nga logo dida ha ira mga letterhead ngada ha katapos han selebrasyon han IYC; paggamit han Tema dida hit ira general assembly; pagkuordinar han ira selebrasyon han IYC ngadto han Philippine IYC plan; ngan aktibo nga pagpartisipar dida han lokal ngan han kanan nasud mga aktibidad pagselebrar han IYC. (Trans. by MAA/PIA-8)