PIA Press Release
Wednesday, January 04, 2012

Waray News: Gobyerno ni Aquino nag-aprobar san Anti-corruption Plan

MANILA, Jan 4 -– An administrasyon ni Aquino nag-aprobar san Good Governance and Anti-corruption (GGAC) Plan para sa tuig 2012-2016 sa panuyo pag masayon ngan pagbug-os san kanan gobyerna database para pag-ato san anomaliya ngan pangawat dida sa gobyerno.

An martes nga miting sa malakanyang mao an ikaduha nga miting sa cabinet cluster on Good Governance and anti-corruption ngan ginpamunuan ni Presidente Benigno C. Aquino III.

Gin presentar ni Budget Secretary Butch Abad an plano san GGAC cluster ngada sa gabinete ngan matapos an duha ka oras nga deliberasyon an ginproponer gin aprobaran nga wara nagdumiri.

Sugad ni Presidential spokesman Edwin Lacierda, an nakomponer sa cluster plan nagbabaton san problema san graft and corruption pinaagi sin sa eksakto nga panahon nga pag analisar ngan pag report san data san gobyerno.

Durante sa nasabi nga press briefing, nasugad liwat si Abad nga an panuyo san good governance ngan anti-corruption cluster mao an pag-ato san korapsyon ngan mapaseguro nga an serbisyo pan publiko in naihahatag ngada sa katawhan. Naglalaum liwat an gobyerno nga an pan negosyuhan ngan an ekonomiya mag-uuswag kon nakaplastar na an nasabi nga mga pitad.

An administrasyon in nagduduso san tulo nga inisyatibo pinaagi sini nga plano: an kabuhayhag (transparency), accountability ngan pag-pakiwa san katawhan, eksplikar ni Abad.

Para maseguro an kabuhayhag san mga transaksyunes san gobyerno, an anti-corruption plan nananawagan para igmando an pagpagawas san impormasyon matungod san budget san mga ahensya ngan lokal nga pangobyernohan (LGUs), sugad ni Abad.

Papahaluagon liwat san gobyerno an operasyon san Philippine Government Electronic Procurement System para ig promoter an kabuhayhag, sugad niya.

An Revenue Integrity Protection Service (RIPS) output padadakuon liwat, ngan dugang niya, papakusogon liwat san gobyerno an tagsa nga purta para san government information (Translated by Ailene Diaz/PIA-Northern Samar)