PIA Press Release
Wednesday, January 04, 2012 Hiligaynon news: NYC magaduso sang katumanan sang mga plano sa 2012MANILA, Enero 4 (PIA) -– Ang National Youth Commission (NYC) nagaduso sa pagpataas sang edad sang Sangguniang Kabataan (SK) Chairperson halin 15 tubtub 18 ka tuig. Si NYC Chairperson Leon Flores nga bisita sa Talking Points nga programa sang PCOO, PIA, PRV4 kag Radyo Nga Bayan nagsiling nga ang reporma bangud gusto nila maseguro nga ang SK nga mga lederes mangin responsable sa paghimo sang mga desisyon. Suno sa kay Flores ang NYC sugot man sa paghatag sang otonomiya para sa SK. Ini isa ka mekanismo sa pagpaseguro sang pinansyal nga salabton sa SK kag magarantiya nga ang organisasyon indi magsalig sa mga mayor kag barangay kapitanes nga pirmi lang may kontrol sa ila mga pundo. Ang NYC nagapano man sa paghatag sang Seal of Good Housekeeping para sa mga Sangguniang Kabataan. Suno sa kay Flores nga ang SK nga makatuman sang simple nga responsibilidad sang organisasyon katulad abi sa pagtuman sa mga regular nga pagsinapul kag sa pagsumitir sang mga pinansyal nga mga statements amo ang pagataga-an sang padya. Suno sa kay Flores, ang NYC indi sugot sa hagna sang Kongreso sa pagpanubo sang minimum nga edad sang may responsibilidad kriminal sa pungsod. Siling niya nga ang kabataan dapat ginaporma nga mangin responsable nga mga pumoluyo kag wala ginasilutan. Ginhingyo man sang NYC nga padayun nga mag dialogo sa Comisyon ang mga kabataan agud to mahibalu-an ang ila mga suhestiyon, ila nga ginakabalak-an labi nagid sa edukasyon. Dapat man sila kuno mag-kooperar sa “matuwid nga daan” sang gobyerno agud to mapag-on ang gobyerno. Subong man nagsiling si Flores nga ang mga ginikanan dapat magpadayun sang hayag nga komunikasyon upod sa ila mga anak. Siling niya nga ang mga ginikanan kag mga manunudlo dapat magbuligay agud maporma ang values sang mga kabataan. (JCM/PIA6) | 
