PIA Press Release
Wednesday, January 04, 2012 Cebuano News: DOH-NorMin mipatuman sa halapad nga leptospirosis prophylaxisby Jumalyn J. PicatoCAGAYAN DE Oro City, Misamis Oriental, Jan. 4 (PIA) -- Ang Department of Health- Center for Health Development in Northern Mindanao (DOH-CHD 10) mopatuman ug halapad nga leptospirosis propylaxis sa mga apektado nga dapit sa mga biktima sa bagyong ‘Sendong’ sa dakbayan sa Cagayan de Oro ug Iligan City. “Sa pagkakaron, ang directly observed treatment scheme (DOTS) sa tuberculosis management ang gamiton, gumikan kay buot namong mahibaw-an nga ang mga katawhan siguradong nitumar ug tambal sa mismo namong pagtambong,” matud ni Dr. Dave Mendoza, Hepe sa Regional Epidemiology, Surveillance and Disaster Response Unit sa DOH-CHD. Asuy ni Mendoza, ang DOH-CHD 10 nakadawat ug balita sa mga gidudahan nga nataptan sa kaso sa leptospirosis sa Cagayan de Oro City lakip na ang Iligan City ug niabot na kini sa 128 og gikataho nga lima (5) na ang namatay. Apan kini nga pagpakaingon basi lamang sa Klinikal ug dili sa laboratoryo nga pagsulay. Dugang pa ni Mendoza, kadaghanan sa mga pasyente nga nidangop sa balay tambalanan nahatagan ug leptospirosis prophylaxis nga tambal ug tungod niini kasagara kanila wala na nagpabilin sa mga evacuation center (EC). Samtang, ang gipakusgan nga kasayuran, pagtuon ug komunikasyon nga kampanya sa leptospirosis ang gipahigayon sa water, sanitation ug hygiene (WASH) nga grupo sa nagkadaiyang mga evacuation center pinaagi sa pagpanghatag ug ‘pamphlets. (PIA-10) | 
