PIA Press Release
Wednesday, January 04, 2012

Cebuano News: Mga tigdumala sa ekonomiya gikatakda nga maghisgot sa krisis sa European Union, US ning semanaha

MANILA, Jan 4 (PIA) –- Ang mga tigdumala sa ekonomiya ni Presidente Benigno Aquino III magtigom ning semanaha aron sa paglaraw sa plano sa gobyerno ingkaso ang mga kalambuan sa ekonomiya sa Europa ug Estados Unidos magtikagrabe.

Sa press briefing sa Malacanang niadtong Martes, si Budget Secretary Florencio Abad nagkanayon nga ang hugpong sa ekonomiya maghisgot sa posible nga mga lakang nga himuon sa gobyerno isip pagtubag ngadto sa mga kalambuan sa Europa ug US.

May pagabuhaton nga panagtigom sa mga tigdumala sa ekonomiya ning semanaha. Ug usa niini mao ang pagtan-aw ngadto sa direksyon sa krisis sa labing hataas nga utang sa Europa ug ingon man sa krisis sa panalapi sa US ug sa posibilidad ngadto sa pagbangon nga mahitabo sa supply chain sa Japan, matud pa ni Abad sa dihang gipangutana mahitungod sa aksyon sa gobyerno sa kalibutanong ekonomikanhong sitwasyon.

Ang Pilipinas usab magkonsiderar sa mga oportunidad nga anaa sa Asia, matud pa ni Abad. Sa mga misubol nga mga merkado, mura ug adunay daghang mga kalihukan nga nagpadayon nga nakaumol ug mga potensyal sa mga pamuhunan ug pagnegosyo. So, mao kana ang kinatabuk-ang dapita nga maglangkob sa panagtigom.

Ang maong misibol nga mga merkado sa rehiyon sa Asia naglakip sa India ug Indonesia, matud pa niya.

Apan sa susamang higayon, si Abad nagkanayon nga siya nagtuo nga ang pinakadako nga oportunidad mao ang lokal nga pagpahalapad sa pampubliko ug pribado nga konsumo diha sa kakuwangan nga nagkinahanglan nga pagapun-an.

Kita magtutok ug dugang sa pagpasaka sa lokal nga konsumo apan sa dili paghiklin sa mga oportunidad sa gawas, matud pa niya. (Translated by RSVictoria/PIA8/Biliran)