PIA Press Release
Wednesday, January 04, 2012 Cebuano News: Malacanang malaumon nga ang DTI makatagbo sa tumong sa eksportar MANILA, Jan. 4 (PIA) -- Ang Malacanang nagpahayag ug paglaum nga ang Department of Trade and Industry makahingpit sa eksportar nga tumong sa nasod nga $120 bilyon nga lakip sa Philippine Export Development Plan (PEDP). Ang PEDP nagtinguha pagdoble sa kantidad sa eksportar gikan sa $51.5 bilyon sa 2010 ngadto sa $120 bilyon sa 2016 pinaagi sa pipila nga programa nga ang katuyoan ang pagdugang sa eksportar ug 10 ka porsyento sugod sa 2011. Ang Deputy Presidential spokesperson Abigail Valte nagingon sa pahamatngon sa mga magbabalita sa Malacanang sa Miyerkules nga ang gobyerno magpaluyo sa mga programa sa DTI nga, matud ni DTI Secretary Gregory Domingo, makatabang sa mga eksporters nga himoon ang tanan nga higayon nga gipadayag sa karon nga free-trade (FTAs) ug ang mga bag’o nga pinili nga patigayon kauban ang United States ug Europe. “Si Seccretary Domingo nagingon nga ang Departamento magpabilin nga malaumon ug ang plano paghurut sa tanan nga paagi paghatag tabang ngadto sa eksportar nga industriya tungud sa pagkunhud nga nakit’an sa 2011,” ingon ni Valte. Dayag lamang nga kini hatagan ug panahon ug hingpit ang among tabang sa panalimbasog sa DTI pagtabang sa atong mga eksporters, dugang niya. (Translated by Teresita B. Cardenas/PIA-Northern Samar) | 
