PIA Press Release
Wednesday, January 04, 2012 Hiligaynon news:Banwa sa Sarangani ginadilian ang pagmina, ginpapag-on ang pagpauswag sang turismoKORONADAL CITY, Ene. 4 (PIA) -– Ginpahayag sang mga opisyal sang isa ka banwa nga ara sa higad dagat nga banwa sang Glan, sa probinsiya sang Sarangani ang bug-os nga pagdumili sa pagpalakat sang mina sa paghimo sang pagduso para sa pagpauswag sang duog sa ginadayaw nga puti nga balas nga hunasan kag iban nga eco-turismo nga manggad sa isa ka multi-milyon nga industriya sa mga sunod nga dekada. Si Glan mayor Victor James Yap Sr. nagpaguwa sang pagpahayag pagkatapos ang gobyerno lokal pormal nga ginpatuman ang bag-o natapos nga Glan Tourism Master Plan nga nakasubay sa kaugalingon nga giho sang banwa sa pagpauswag sang socio-economic. Sa ginpahayag nga pulong nga ginpaguwa ni Yap, ang mina makaguba sang maanyag nga puti nga balas sa hunasan kag iban nga may ara ikasarang nga duog nga manami nga talan-awon. Ang mayor nagpabutyag nga may ara man pagpanugyan kag buko nga pasudlon ang kumpanya sang mina sa duog pero gintagaan punto nga siya nagapamalabag sa ila.(EDelaCruz/PIA 12) |
