PIA Press Release
Thursday, January 05, 2012 Cebuano News: Ante-mortem phase sa pag-ila sa mga namatay’ng biktima sa Bagyong Sendong gisugdan naby Melvin T. Anggot ILIGAN CITY, Lanao del Norte, January 05 -- Nagsugod na ang ante-mortem phase sa National Bureau of Investigation (NBI) diha sa pag-ila sa mga namatay’ng biktima sa pagbaha niadtong Disyembre16 gumikan sa bagyong Sendong. Tuyo niini ang pagkuha og mga datos gikan sa mga kabanay niadtong mga biktima nga padayon pang gipangita sa pagkakaron kon nabutang sa talaan sa mga ‘missing persons.’ Giasoy ni Atty. Arnel Dalumpines, hepe sa NBI Iligan, nga aduna sila’y ipatuman nga mga schedule alang niini. Sugod Enero 3 ngadto sa petsa 6 alang sa mga apelyido sa missing persons nga nagsugod sa letrang ABCDE; Enero 10 ngadto sa 13 alang sa apelyido sa missing persons nga nagsugod sa letrang FGHIJ; Enero 17 ngadto sa 20 alang sa apelyido sa missing persons nga nagsugod sa letrang KLMNO; Enero 24 ngadto sa 27 alang sa apelyido sa missing persons nga nagsugod sa letrang PQRST; ug Enero 31 ngadto sa Pebrero 3 alang sa apelyido sa missing persons nga nagsugod sa letrang. Nanawagan ang NBI sa mga kabanay sa pagdala sa ‘dental’ ug ‘fingerprint records’ sa ilang gipangita nga kauban sa pamilya. Kung wala kini, mamahimong magpakuha ang labing duol nga kabanay og DNA samples. Kini nga proseso ipahigayon sa lokal o kaha rehiyonal nga buhatan sa NBI. Mibutyag si Dr. Livey Villarin, City Health Officer, nga anaa pa gihapon sa 117 ka mga nalubong nga patay’ng lawas ang wala pa maila hangtud ning panahona. (CIO/PIA-10) | 
