PIA Press Release
Thursday, January 05, 2012 Cebuano News: Dugang mga doctor gipadala sa CDO sa pagsaka sa mga kaso sa leptospirosis Manila, Jan. 5 (PIA) –- Mipadala na ang Department of Health (DOH) ug dugang mga doctor gikan sa Metro Manila ngadto sa Northern Mindanao Medical Center sa Cagayan de Oro pagkatapos sa mga taho nga misaka ang gidaghanon sag a tawo nga nabiktima sa sakit nga leptospirosis, sumala pa ni DOH Assistant Secretary ug spokesperson Eric Tayag. Si Tayag mibutyag nga sa 85 ka mga kaso sa leptospirosis matag adlaw, 50 niini ang nahisulod sa ospital samtang ang ubang mga kaso sa balay lamang gipatambalan. Kasamtangang gibanabanang mikabat na sa 900 ang mga kaso sa leptospirosis sa CDO palamang samtang nagpaabot pa sila sa taho sa mga kaso sa Iligan. Sa mga taho nga nadawat ni Tayag, nahisayran nga kadaghanan sa mga pasyente miadto lamang sa ospital pagkatapos sa tulo ka adlaw nga pagkasakit. Mipasalig usab si Tayag nga adunay igong tambal alang sa mga pasyente sa leptospirosis. Apan adunay pipila ka mga pasyente nga nagpakalimot pagtomar sa ilang mga tambal tungod sa pagka-busy pag-ayad sa ilang mga kabalayan ug uban pang mga trabahoon. Mikabat na sa lima ka mga kinabuhi ang nakalas sa sakit nga leptospirosis sa CDO. (Translated by LPT/PIA Biliran8) | 
