PIA Press Release
Thursday, January 05, 2012 Cebuano News: OCD-10 mangunay sa pag-relis sa ‘immediate death assistance’ (OCD-10 to lead in releasing immediate death assistance)By Divina Suson ILIGAN CITY, Lanao del Norte, Jan. 05 -- Mangunay na sugod karong adlawa ang Office of the Civil Defense sa Amihanang Mindanao sa pag-relis sa 10 mil pesos nga ‘immediate death assistance’ nga gikan sa National Disaster Risk Reduction and Management Council (NDRRMC). Ang nasangpit nga kantidad maoy tabang-pinansiyal sa NDRRMC ngadto sa pamilya nga namatyan og sakop atol sa nahitabong pagbaha tungod sa paghapak sa bagyong Sendong niadtong Disyembre 16, 2011. Susamang mga ‘requirements’ o rekisitos ang kinahanglan nga kumpletuhon sa mga ‘direct claimants,’ subay sa OCD, sama sa death certificate, proof of filial relationship diin kung asawa o bana ang mokuha sa assistance, mopakita og marriage contract, apan kung anak, ipakita ang birth certificate. Ikatulo nga rekisitos mao ang barangay clearance. Hangtud kagahapong adlawa, mi-abot sa 105 ang mga claimants nga nakadawat sa nasangpit nga kantidad. (CIO/PIa 10-LDN) |
