PIA Press Release
Thursday, January 05, 2012 Cebuano News: PCG-Iligan, mitabang sa ‘relief and rehab operation’ dinhi sa dakbayanby Divina Suson ILIGAN CITY, Lanao del Norte, Jan.05 -- Nangunay kagahapon si Commodore Elson Hermogino, District Commander sa Philippine Coast Guard (PCG), District Northern Mindanao, sa pagpanghatag sa ilang nakalap nga mga ‘relief goods’ ngadto sa mga biktima sa bagyong Sendong dinhi sa Iligan. Kini gilangkuban sa mga sapot ug mga pagkaon, lakip na usab gamay’ng salapi nga natigom sa mga kawani sa PCG. Matud pa ni Hermogino, nga gilayong nag tampo og tag 100 pesos ang matag empleyado sa PCG sa tibook nasud diin nakalikom sila og kantidad nga mokabat sa 569 mil pesos. Samtang gipasalig ni Hermogino nga andam ang ilang buhatan sa pagtabang sa kagamhanang lokal sa ipahigayon nga rehabilitasyon, apan aminado siya nga adunay limitasyon ang ilang pagtabang. Kini usab tungod kay gamay raman ang ilang tawo nga magamit sa operasyon. Hinoon niadtong gipahigayon pa ang rescue operation, nagamit ang ilang manpower ug naka-rescue usab sila og mga biktima kauban ang Philippine Navy. (CIO/PIA 10-LDN) | 
