PIA Press Release
Thursday, January 05, 2012

Waray News: DOH nagpadara hin dugang nga mga doctor ha CDO dara han maabot na hin 900 nga kaso hin leptospirosis

MANILA, Jan 5 –- An Department of Health (DOH) in nagpadara hin kadugangan nga mga doktor tikang ha Metro Manila ngadto ha Northern Mindanao Medical Center ha Cagayan de Oro pagkatapos hin nahisumat nga nagtitikadamo nga kaso hin mga tawo nga nagkakasakit hin leptospirosis.

"Ha pagkayana, hi Health Secretary Enrique T. Ona in nagpadara hin mga doktor tikang ha Metro Manila para madugangan an tawo han naatender han mga pasyente nga mayda leptospirosis," sering ni DOH Assistant Secretary Eric Tayag.

Hi Tayag, nga tigyakan gihapon han DOH, in nagsering nga may panginahanglan nga magbutang hin mga tent dara han nagtitikadamo nga kaso hin mga pasyente nga nagkakasakit hin leptospirosis ha hospital.

Hiya in nagsering nga ha 85 nga mga kaso hin leptospirosis kada adlaw, mga 50 in nahisulod ha hospital samtang an iba in ginpagawas para tambalon la ha balay, sering niya, ha pagtantya nga maabot nah in 900 an mga kaso hin leptospirosis ha CDO la.

Naghuhulat pa liwat hiya han report hin leptospirosis nga mga kaso ha Iligan.

Hi Tayag in nagsering nga may mga report nga umabot ha iya nga kadam-an han mga pasyente in nasingadto la ha hospital katapos hin tulo ka adlaw nga pagkasakit.

Hiya in nagpatapod gihapon hin supisyente nga medisina para han mga pasyente hin leptospirosis.

Hi Tayag in nagsering nga an mga pasyente han leptospirosis amo an mga nanhihingalimot pagtumar hin antibiotics nga ginhatag durtante han siyahayan nga semana han bagyo "Sendong," ha pagsering nga hira in nahimamalanga pag-atender han ira mgapanimalay ug iba pa nga mga butang.

Samtang, hi Tayag in nagsering nga hira in naghuhulat han mga bag-o nga panhitabo kaparte han leptospirosis ha CDO kun diin mayda na nahisumat nga lima nga nagkamamatay.(translated by GTT-PIA PNA)