PIA Press Release
Thursday, January 05, 2012 Pangasinan News: Philhealth, akarel na sindikaton mantatakew na bayar na miyembroni Nen Venus H. SarmientoDAGUPAN, 5 Enero (PIA) -- Adiskubre na Philippine Health Insurance Corporation so sakey a sindikato ya nantakew na milyon mliyon ya bayar ed premium na miyembro na sakey a baleg a kumpanya. Onong ed si Dr. Eduardo Banzon, presidente na PhilHealth, akitongtong larad National Bureau of Investigation (NBI) tan diad Anti-Money Laundering Council pian nakumpletoy inbestigasyon tan makapansegep na kaso laban ed sarayan matatakew. Adiskubre so abitlan ‘scam’ nen nanberepika ray totoo na PhilHealth tan anengneng dan baleg so diprensiya na remitans tan koleksyon. Walay cheke ya inincash ed sakey ay pribadoon bangko balet aga linmoob ed akount na PhilHealth tan inloob ed arom ya akount, kuanen Banzon. Onong ni ed si Banzon, walan walay mauges ya totoo pero impatalus ton agda konsintien so onyan kagagawa na korupsyon tan panagtakew ya kasibeg na ‘daang matuwid’ nen Presidente Benigno Aquino. Inkerew nen Banzon ed amin a kumpanya ya gaween so mattek ya polisiya na panagremit na bayar pian nasiguron say bayar na miyembro et onla tan ompawil ed sikara. (PIA-Pangasinan) | 
