PIA Press Release
Friday, January 06, 2012 Hiligaynon News: Gobyerno magagasto P438B agud mapasanyug ang lokal nga ekonomiyaMANILA, Enero 6 (PIA6) -- Suno sa Department of Budget and Management ang administrasyon magagasto sang P438.8 bilyones agud mapatigayon ang madasig, inclusive kag masustenir nga pagsanyug sang ekonomiya sa sini nga tuig.Si Budget Secretary Florencio B. Abad nagsiling nga ini may katuyu-an nga mapabaskug ang pundasyon sang pungsodnun nga ekonomiya. Ini nga badyet sang sektor sa ekonomiya nagarepresentar sang 24.2 porsyento sang P1.816 trilyones sang 2012 badyet nasyonal. Ang badyet para sa sektor sang ekonomiya magatutok sa pagsuporta sang lima ka prayoridad sang gobyerno para sa trabaho kag sa pag-uswag sang ekonomiya. Nagsiling si Abad nga ang gobyerno magahatag sang pagdagmit sa turismo, agrikultura, pagpangisda kag sa bug-os nga pagsaynug sang imprastraktura sa sini nga tuig. Ang 2012 badyet sang sektor sa ekonomiya magapundo sang P182.2 bilyones para sa programa sa imprastraktura sang gobyerno, 25.6 porsyento nga mas mataas sang 2011 ng lebel kag nagarepresentar sang 1.6 porsyento sang gross domestic product (GDP) sangsa isa ka tuig nga 1.4 ka porsyento. Ang pundo nga ginpain para sa sektor sang ekonomiya magasakup sang pagpadayun hatag sang piskal nga suporta sa P22.1 bilyones nga public-private partnerships (PPP) agud makuha ang pagsulod sang pribado nga kapital sa mga kritikal nga imprastraktura kag iban pa nga mga proyekto. Suno sa kay Abad nga ginsuguran nila ang reporma sa sini nga tuig. Ugaling sa 2012 badyet, pagapabaskugon ang pundasyon kag ibutang sa lugar ang mas madamu nga mga proyekto agud mauntat ang korapsyon kag idusu ang pag-uswag sang ekonomiya. Ang 2012 nga badyet sang sektor sa ekonomiya magahatag man sang pundo para sa sektor sang agrikultura agud maseguro ang self-sufficiency sa bugas sa 2013. Kasunod sa sufficiency sa bugas kag pagkaon, ang pagpasanyug sa irigasyon amo ang mangin centerprice nga programa kag pagataan sang P24.5 bilyones para sa 2012. (JCM/PIA6) | 
