PIA Press Release
Thursday, January 05, 2012 Cebuano news:DOH naglantaw sa pagdugang ug personahe sa mga ospitalDAVAO CITY, Jan. 05 (PIA) – Gilantaw karon sa Department of Health ang posibilidad sa pagdugang sa personahe sa hospital partikular na gayud dinha sa mga probinsya.Kini maoy gibutyag karon ni Dr. Romul Busuego, Assistant Secretary sa Department of Health atol sa iyang pakighinabi sa senimanang Club 888 media forum dinha sa Marco Polo Hotel Davao niadtong ni-aging adlaw. Si Busuego nagkanayon nga ang DOH naglantaw karon sa pag pagdawat sa mukabat ug 7,000 ka mga health workers nga mag gikan sa doktor, nurses, medical technicians ug uban pang mga personahe alang sa tuig 2012. Ang maong programa nag alokar sa kantidad nga mukabat sa 2.9 bilyon ug ang maong Departamento naghulat na lamang sa pag aprobar gikan sa Department of Budget and Management (DBM). Matud pa sa Assistant Secretary, ang Southern Philippine Medical Center (SPMC) nga nahimutang sa dinhi sa Davao City ang mahatagan unya ug dugang 360 ka mga personahe kauban niini ang 55 ka mga doktor, 200 nurses ug gatosan ka mga medical staff. Ang Tagum Regional Hospital dinha sa Tagum City ang usab mudawat ug aplikante nga mikabat sa 50 ka mga doctor ug dugang gatusan usab nga mga nurses. Ang DRH usa 200-bed tertiary nga hospital. Si Busuego nagkanayon nga kining pagdawat sa mga aplikante giplano sa ubos sa normal nga proseso sa gobyerno pagdawat ug aplikante ug kini gikonsiderar nga plantilla nga mga posisyon. Siya dugang nagkanayon nga ang SPMC magkinahanglan dugang daghang doktor ug mga nurses tungod sa rason nga ang SPMC adunay 1,200 bed nga kapasidad nga tertiary ospital. Dugang medical professionals ang unya ipahimutang partikular dinha sa mga probinsya ug dili lamang dinha sa gitawag nato ug urban centers. (PIA – 11/Albert D. Cahilog) | 
