PIA Press Release
Friday, January 06, 2012 Hiligaynon news: Ochoa nanawagan nga padayunon kag pabaskugon ang kampanya batok sa kriminalidadMANILA, Enero 6 (PIA) -- Si Executive Secretary Paquito N. Ochoa Jr, sa sini lang nagdayaw sa Philippine National Police (PNP) sa ila paghimud-os nga mapanubo ang kriminalidad sang isa ka tuig kag naghingyo sa mga opisyales sang police nga maghimo sang mga epektibo nga tikang agud mapaayo pa gid ang sitwasyon sang katawhay kag kalinongan.Nagsiling si Ochoa nga samtang gina-abi-abi gid ang pagnubo sang kriminalidad, indi ini dapat rason nga maging kampante. Ang PNP dapat magpadayon sa pagtinguha nga mapanaog pa gid ang kriminalidad, agud maseguro nga kaluasan sang publiko kag mamentinar ang kahilwayan kag kaluasan sa pungsod suno sa kay Ochoa, sa isa ka pahayag. Si Ochoa nagbuhi sini nga pahayag bangud sa report nga ginpagwa sang PNP nga nagapakita nga ang kriminalidad sa pungsod nagnubo sang 23.36 porsyento sa 2011 halin sa nagligad nga tuig. Ang mga opisyal nga datus halin sa PNP nagapakita nga ang mga kriminalidad nga ginkomitir sang isa ka tuig, daku gid ang ginpanaog sa 248.378 halin sa 2010 nga pigura nga 324,083. Ang PNP nagsiling man nga ang mga pigura sang isa ka tuig, mga tunga lang sang 502,665 nga napaghit nga mga krimen sang 2009. Si Ochoa nga amo ang chair sang Cabinet Cluster on Security, Justice, and Peace kag sang Presidential Anti-Organized Crime Commission (PAOCC) nagdayaw sang PNP sa pagbutang sang mga tikang agud matapna ang kriminalidad, apang naghikayat sang 140,000 ka puwersa sang police nga magpadayun sa paghikayat sang tayuyon nga pagpugong sang krimen kag mga stratehiya sa pagbuhin sini. Si Ochoa nagsiling nga ang mga police dapat maganyat sang ehemplo ni Presidente Benigno S. Aquino III nga nagpakita, nga sa subong nga gobyerno wala sang mas labaw sa laye kag ang mga nakasala dapat magsabat sang ila nga krimen. Sang damlag lang ang PNP Spokesperson Chief Superintendent Agrimero Cruz Jr. nagsiling nga ang nagnubo nga kriminalidad bangud sa estrikto nga pag-implementr sang police sang integrated patrol nga sistema sa bilog nga pungsod. Ang average monthly index crime rate nagapakita nga naganubo man: 27.52 sa 2009, 18.10 sa 2010 kag 13.62 sang 2011 suno sa report. (JCM/PIA6) | 
