PIA Press Release
Friday, January 06, 2012 Cebuano News: Sakop sa Pag-IBIG nga biktima ni Sendong mahimo nang makasumite alang sa insurance claimsby Jean Marie C. MendozaCAGAYAN DE ORO CITY, Jan 06 (PIA) – Sumala pa ni Vice President Jejomar Binay, nga mao usab ang kasamtangang Chairman sa Pag-IBIG Fund Board of Trustees, nga ang mga ‘borrower’ sa Pag-IBIG housing loan kansang ang mga ‘mortgaged properties’ naapektuhan sa bagyong ‘Sendong’ mamahimong maka-angkon sa insurance sa ilang mga kabtangan. Ning bag-ohay pa lamang niyang pagbisita sa dakbayan sa Iligan ug Cagayan de Oro nga labihang naapektohan sa bagyo, gi-awhag ni Bise Presidente Binay ang apektadong mga sakop nga musumite sa mga dokumentong gikinahanglan alang sa pag-angkon sa ilang insurance sa sunog ug susamang katalagman sa labing duol nga buhatan sa Pag-IBIG. Gimandoan ni Binay si Darlene Berberabe, ang maong Chief Executive Officer sa Pag-IBIG, nga tabangan ang ilang sakop sa pag-angkon sa ilang ‘insured property’ gikan sa kompanya. Alang sa dugang kasayuran, tawag o bisita lamang sa ilang buhatan. Mamahimo usab mobisita sa ilang website, www.pagibigfund.gov.ph alang niini. (PIA) | 
