PIA Press Release
Friday, January 06, 2012 Cebuano news: Palasyo midepensa sa ekonomikanhong kalampusan gikan sa mga pagsawayby Gideon C. Corgue PAGADIAN CITY, Jan. 6 (PIA) –- Ang Malakanyang naglaum nga mopahibalo sa mahinungdanong paglambo sa sector sa agrikultura bisan pa sa naglambo ang budget nga gipahat sa Department of Agriculture ning tuiga, kinsa gilauman nga mopalambo sa nasudnon nga ekonomiya. Sa press conference ning nakalabay nga Huwebes, si Presidential Spokesman Edwin Lacierda midepensa sa mga pagsaway nga ang nasud dili makasinati sa dako nga ekonomikanhon nga kalamboan ning tuiga tungod sa huyang nga mga polisiya sa kagamhanan. si Lacierda nagkanayon nga ang nasud mitala sa nag-uswag nga agricultural production bisan pa sa mga bagyo ug kalamidad nga miigo sa Pilipinas sa nakalabay nga tuig. “Ang agricultural productivity usa ka kalamboan, usa ka tinuod nga paglambo. Ubay-ubay ka mga tawo ang makapahimulos gikan pag-uswag sa agricultural productivity,” matud pa niya isip tubag sa mga komento nga nagclaim nga ang kagamhanan wala makahimo ug daghan nga mga trabaho. “Kining mga paglambo alang sa mga mag-uuma; ang agricultural productivity makabenepesyo sa daghan nga mga tawo,” dugang niya nga pa niya. Uban sa dako nga budget ning tuiga, ang DA nagkanayon nga kini ang nagpadayon sa ilang inisyatibo nga makahatag ug kaigoan sa mga lagutmon sa tuig 2013 nga naglakip sa humay , puti nga mais, kamunting kahoy, ug uban pang mga lagutmon. Sa iyang 2011 year-end report, si Agriculture Secretary Proceso J. Alcala nagkanayon nga ang dako nga pahat sa 2012 budget sa DA nga P61.73 bilyones ang gastuhon aron pagpatuman sa Food Staples Sufficiency Program (FSSP) kinsa mao ang pinakasentro sa programa sa administrasyon ni Aquino. Ang programa nagtumong aron pagpadako sa mga pamuhunan ilabi na sa impratraktura sama sa irrigation, farm-to-market roads, ug postharvest facilities, matud pa ni Alcala. Sa alokasyon nga P24.5 bilyones sa 2012 alang sa irrigasyon, si Secretary Alcala nagkanayon nga ang DA magtukod ug bag-o nga irrigation systems, ug pagpabalik ug pagrehabilitate sa kasamtangan nga irrigation systems nga nagserbisyo sa kinatibuk-an nga 224,850 nga ektarya sa kaumahan sa tiibuok nasud. Sa postharvest ug uban pang imprastraktura, ang DA nagpahat sa P11.28 bilyones. Kini ang gastuhon aron nga magtukod sa drying, storage, ug processing facilities, storage ug milling equipment lakip na ang dairy equipment ug mga makinarya. Ang DA nagkanayon nga kini ang magtukod usab sa dako nga agri-fishery trading centers sa mga dapit sa tibuok nasud. (JPA/GCC-PIA9, ZamboSur) | 
