PIA Press Release
Friday, January 06, 2012 Cebuano news:Davao magbutang og CCTV sa mga checkpointsDAVAO CITY, Jan. 06 (PIA) – Ang lokal na pangamhanan karon ang nagduso sa usa ka plano sa pagbutang ug mga closed-circuit television cameras (CCCTVs) sa tulo ka mga lugar nga adunay checkpoints dinhi sa dakbayan.Si Davao City Public Safety command Center (PSCC) chief Magno g. Adalin Jr. nagkumpirma ngadto sa Davao Media nga pag butang ug dugang CCTVs dinhi sa mga lugar sa dakbayan may kabahin sa pagpakusog sa lakang sa seguridad. Si Adalin nagkanayon, nga ang maong unya nga wireless security and surveillance cameras anha ipahimutang sa mga checkpoint sa Sirawan, Toril, tibungco, ug Lacson, Calinan. Siya nagkanayon nga siyudad nag alokar na sa kantidad nga P10 milyon pundo alang sa maong proyekto. Siya midugang nga aduna nay usa ka system provider ang ang mipasa sa iyang tanyag nga konsepto ngadto sa atong lokal na panggamhanan. “It’s just a matter of implementation,” si Adalin nagkanayon. Ang hepe sa PSCC nagbutyag sa tinguha sa pagbutang ug dugang CCTVs ngadto sa mga importanteng lugar sa siyudad susama sa City Hall, Sanguniang Panglungsod, Peoples Park, Rizal Park ug Sta. Ana Wharf. Ang panggamhanan sa siyudad ang nakabutang na ug CCTVs dinha sa 16 ka mga dagkong intersections dinhi sa siyudad kauban kini sa Traffic signalization System nga ang tumong mao ang pagsulbad traffic ug aron usab makubsan ang aksidente sa dalan. Si Adalin nagkanayon nga ang maong sestima nakatabang ug dako sa pagkadakop sa mukabat 13,000 ka mga drayber nga nakit-an sa CCTVs nga nakalapas sa balaod trapiko sa niaging tuig. Siya dugang nagkanayon nga kasagaran sa nakalapas sa balaod may kalabutan sa obstruction, illegal parking ug swerving. Iyang nabantayan nga adunay pagkunhod sa mga milapas sa balaod trapiko sa tuig 2011, dungan sa pagsulti nga ang mga drayber nakakat-on na sa pag disiplina sa ilang kaugalingon. “Even without the traffic enforcers, drivers have learned to follow the traffic rules,” siya nagkanayon nga mga utoridad niining bag-o lamang ang nakatala ug average nga 30 ka mga malapason matag adlaw. Niadtong bulan sa Abril sa niaaging tuig, ang Traffic Management Center mitaho nga adunay 70 to 100 traffic violators ang nakita ug nabantayan matag adlaw basi sa nakita sa mga CCTVs. (PIA 11/Albert D. Cahilog) | 
