PIA Press Release
Saturday, January 07, 2012 Hiligaynon news: Banwa sa North Cotabato ginpadaku ang komunikasyon para tagaan pagtamod ang peligro kag krimenKORONADAL CITY, Enero 7 (PIA) -- Para mabuhinan ang kriminalidad kag ang gobyerno lokal gilayon makasabat sa kriminalidad kag natural nga kalamidad, ang gobyerno lokal sang bnawa sang Makilala sa North Cotabato ngapanghatag sang mga gamit komunikasyon sa tanan nga 38 ka duog. Si Makilala mayor Rudy Caoagdan nagsiling nga 18 ka bag-o nga quarter-wave radio antennas sa kabaryuhan kag mabudlay malab-ot nga mga kunsran gintagaan sa pag-umpisa sang 2012 para ang komunikasyon mangin madasig kag maa yo. Siling pa ni Caoagdan nga ang pagpadku sang malab-otan sang komunikasyon sa 38 ka barangay sang Makilala para sa madasig nga paghatag pagtamod sa mga hitabo nga natural nga peligro, kriminalidad kag iban pa nga pangabay sa kalit nga panginahanglan sa bulig sa ikaayong lawas kag bulong. Mahibaluan nga sang nagligad nga Agosto 2011, 96 ka mga handheld radio, 5 ka base-radios kag isa ka repeater ang ginbakal sang gobyerno lokal para sa amo man nga tuyo. Hambal pa sang mayor nga ang banwa magahimo sang maid-id nga kampanya kontra kriminalidad, ilabi na ang pagbaligya sang ginadilian nga bulong, pagpangapin sa palibot kag pagtapna sang kriminalidad kag rebelyon. Dugang pa dire nga ang banwa may ara mataas nga bukid kag daku ang pagpamahog sa kalamidad. Dugang pa ni Caoagdan nga paano niya mapatuman ang mga buluhaton sa pagpauswag kon may ara problema sa katawhay kag kalinong upod ang problema sa palibot kag natural nga kagulangan. (EB delaCruz/PIA12) | 
