PIA Press Release
Saturday, January 07, 2012 Cebuano news: Sec. Luistro mibisita sa mga magtutudlo nabiktima sa Sendongby Elaine O. Ratunil CAGAYAN DE ORO CITY, Jan. 7 (PIA) –- “Balik Eskwela: Tuloy na Tuloy na.” Mao kini ang slogan ni Secretary Bro. Armin A. Lusitro sa Department of Education sa iyang pagbisita sa mga magtutudlo nabiktima sa bagyong Sendong sa Cagayan de Oro pagkahuman sa duha (2) ka semana nga bakasyon ug sa baha nga mihapak sa niining dakbayan ug sa Iligan city. Daghan and nawad-an ug balay ug nakabsan sa kinabuhi sa maong katalagman uban na niini ang mokabat 800 ka sakop sa DepEd dinhi sa dakbayan. Matud ni Sec. Luistro, sugdan ang unang adlaw tigtungha sa pag-ihap sa mga tinun-an nga nabiktima sa baha. Sa iyang pagbisita, natagaan paglaum ang mga magtutudlo nga naapektohan sa bagyo, sama sa gipasalig nga tabangan sila sa makabangon ug makasugod pag-usab. Himuon nato ang tanang mahimo aron matabangan nato ang ubang ahensiya sa kagamhanan sama sa Department of Social Welfare and Development (DSWD) nga sa pagkakaron labihang naningmakot sa pagtabang sa uban pang mga biktima, dugang pa ni Luistro. (PIA 10) | 
