PIA Press Release
Sunday, January 08, 2012 Cebuano News: Giseguro sa magtutudlo nga organikong abuno ang gigamit sa tulunghaanby Pat Nano OROQUIETA CITY, Misamis Occidental, January 8 -- Gipaniguro sa mga magtutudlo nga nagdumala sa Gulayan sa Paaralan nga luwas sa makadot nga mga kemikal ang mga produktong utanon nga ilang gitanom sa ilang mga hardin sanglit mga organikong abuno ug pestisidyo ang gigamit niini. Alang sa mga magtutudlo nga gikinahanglang luwas gayod sa makadaot nga mga kemikal ang mga utanon nga ilang itanom sa ilang hardin sanglit kaluwasan ug kahimsog sa panglawas sa ilang mga studyante ilabina niadtong mga ‘malnourished ang ilang gitinguha. Nasayran nga usa usab sa ‘criteria’ sa Gulayan sa Paaralan competition mao ang paggamit gayod sa mga organikong pamaagi diha sa ilang pagpananom sa mga bisan unsang tanom sa garden, aron luwas kini kaonon sa mga studyante atol sa ‘feeding’ ug matudluan usab ang kabataan sa kamahinundanon sa paggamit sa mga organikong abuno ug pestisidyo diha sa pagpananom. (PIO/PIA-10) | 
