PIA Press Release
Monday, January 09, 2012 Hiligaynon News: Bids ginapangita para sa paghimo sang balay buluthuan sa idalum sang PPPni Edson J. Bañares SYUDAD SANG ILOILO, Enero 9 (PIA6) -- Nagsugod na ang proseso sang bidding para sa isa naman ka public-private partnership (PPP) nga proyekto sang gobyerno nga gapanawagan sang magatanyag sa paghimo sang mga balay buluthuan sa bug-os nga pungsod. Sa isa ka pahibalo, ang Department of Education (DepEd) ang nagpahibalo sa mga interisado nga partido nga magsumiter sang ila aplikasyon sa Prequalification, Bids kag Awards Committee sini bag-o o sa adlaw mismo sang Abril 23. Separado nga mga kontrata ang igahatag para sa tatlo ka rehiyon sa idalum sang P10.4 bilyones nga proyekto kung sa diin sa Rehiyon I may 2,050 ka hulot klasehan, Rehiyon III may 3,003 ka hulot klasehan kag sa Rehiyon IV-A nga may 4,279 ka hulot klasehan ang pagahimuon. Ginpabutyag sang DepEd nga ang proyekto ang magainbolbar sang pagdesinyo, pagkapital, paghimo kag pagmintenar sang isa ukon duha ka panalgan nga balay buluthuan. Ang proseso sang bidding ang magainbolbar sang duha ka bahin: pre-qualification sandig sa legal, technical kag pinansyal nga kapasidad nga mga requisitos; kag kwalipikasyon ukon pagsumiter sang mga bids. Ginsiling ni PPP Center Executive Director Cosette V. Canilao sang damlag lang nga ang petsa sang bidding ang igatalana pa kag ang DepEd mahimo nga maghatag sang 60 ka adlaw sa mga aplikante pagkatapos sang gintala nga petsa para magpreparar sang ila bids. Ginapabutyag pa ni Ms. Canilao nga ang gobyerno ang nagalaum nga makapaguwa pa sang walo ka proyekto sa idalum sang PPP sa sini nga tuig. (JSC/EJB-PIA6) | 
