PIA Press Release
Monday, January 09, 2012 Surigaonon News: City Engineering Office sa Surigao tutukan ang problema sa drainage systems nan syudadni Annette Villaces SURIGAO CITY, Enero 9, (PIA) – Ang City Engineering Office misiguro bag-uhay pa lamang nga pagatutukan gayud ang problema sa drainage systems nan syudad. Mao kini ang gisiguro karon sa mga kadagkuan sa maong buhatan diin tungod sa pagbundak sa ulan niadtong miaging mga adlaw kini maoy nahimong rason sa pag-overflow sa mga canal. Gitumbok pa ni Engr. Gil Rufino Menor, hepe sa maong buhatan, nga ang rason sa pagdali pagbaha sa mga kadayanan sa syudad mao ang pagbara sa mga posibleng kaagi-an sa tubig sa mga canal tungod kay kini napuno na sa mga basura nga gipanglabog ra sa mga canal. Ang ilang grupo muhimo sa paghinlo sa mga barado nga mga canal lakip na usab ang pagpan-repair sa mga nasirado ug guba na nga mga drainage sa pipila ka mga kadayanan lakip na niini ang Brgy. Washinton partikular na sa Kaskag, Borromeo, Navarro, Burgos, ug Espina diin padajon pa sila sa pagkakaron ug pagpanrepair. Samtang mukabat usab sa P750,00.00 ang budget sa kada drainage para karon nga tuig 2012 gikan sa City Fund o Local Fund. Samtang ang dayan Burgos nag-gikan sa SLRF kon Special Local Road Fund ang budget wala pay labot ang siyam ka mga labor nga maoy mutrabaho. Gidugang pa ni Engr. Menor nga ang syudad sa Surigao pirmi makasinati ug kaulanon kini tungod kay ang ulan karon dili ordinaryo sama kaniadto tungod kay nakasinati usab kita ug climate change nga maoy rason sa pagbaha sa dakbayan. Sa maong kalambuan, ang ilang buhatan mitambayayong usab sa pagpahimangno sa tanan nga magpabiling responsable ug maghinlo sa tagsa-tagsa nilang panimalay ilabina gayud kadtong dapit sa mga drainage o canal nga dili sila maglabay og basura. (Surigao City PIO/PIA-Surigao del Norte) | 
