PIA Press Release
Monday, January 09, 2012

Waray news: 67 nga mga SME ha Sinirangan Bisayas ginsuportahan han DOST

TACLOBAN CITY, Leyte, Enero 9 (PIA) -- An Department of Science and Technology in padayon nga masuporta han Small and Medium Enterprises (SMEs) ha Sinirangan Bisayas, sering ni director Edgardo Esperancilla.

Sering ni Esperancilla nga tikang dida han 2008, an Department of Science and Technology pinaagi han iya manufacturing improvement nga programa, in nakabulig na hin maabot 67 nga mga SMEs ha Sinirangan Bisayas nga nagdudumara hin food technology ngan furniture manufacturing.

Dida han diri pala maiha nga gindumara nga Harampang ha PIA, nagsering hi Esperancilla nga 26 nga mga SME in ginsuportaran han DOST han tuig 2011, dugangan pa han 41 nga gudti nga mga proyekto nga ginbuligan han programa tikang dida han 2008 ngadto ha 2010.

An Manufacturing Productivity Extension (MPEX) Program in nabulig han mga SMEs ha manufactung nga sektor para makakab-ot hin darodamo nga produksyon pinaagi han hul-os nga operasyon han taghimo, sering ni Esperancilla.

An mga estrateheya han programa in nag-uupod han pagrekognisar han mga benepisaryo, pagtupong han SME ngadto han pakikipagkunsultahan nga mga grupo, paghimo han programa parti han trabaho, integrated plant assessment, pagrekognisar han kinahanglan pa ipauro-upay, pagplano han mga rekomendasyon, ngan pag-analisar han industriya.

Sering ni Esperancilla nga an mga pagbulig in nakasentro ha pagbaton han paggamit han kapas, an wastage levels, pagdesinyo ngan pagpackage han produkto, pag-layout, pagkontrol han produksyon, ug iba pa.

An panguna nga panuyo han proyekto amo an pagbulig han mga SMEs para makab-utan an hirohitaas nga produksyon pinaagi han pagpauro-upay han kabug-usan nga operasyon han kompanya. (Translated by MAA/PIA8)