PIA Press Release
Monday, January 09, 2012 Cebuano News: 1,400 sa 5, 600 ka rehistrado nga mga OFWs sa Syria gusto nga mahibalik sa nasud MANILA, Jan 9 (PIA) –- May 1, 400 ka mga langyaw nga Pilipinhong magtratrabaho sa Syria ang nagpagawas sa ilang interes sa pagbalik sa Pilipinas taliwala sa nagtikagrabe nga sitwasyon sa kalinaw ug kahapsay sa maong nasud. Sila kaparte sa 5, 600 ka mga langyaw nga mga Pilipinhong magtratrabaho kun OFWs kinsa narehistro sa embahada sa Pilipinas sa Damascus. Ang gobyerno sa Syria nagkanayon nga may 10, 000 ka mga OFWs didto apan ang gobyerno sa Pilipinas nagkanayon nga sobra pa ang atua didto. Ang Department of Foreign Affairs (DFA) nagpagawas sa panawagan alang sa pagrehistro tungod kay kadaghanan sa mga OFWs sa Syria ang wala malakip sa Philippine Overseas Employment Administration (POEA) ug sa Overseas Workers Welfare Administration (OWWA). Madugay usahay ang pagpapauli tungod kay sila buhian usa sa nagpasulod sa ila ug trabaho aron sila mahatagan sa gitawag ug exit visa. Dugay nga negosasyon. Kaistoryahon namo ang nagpasulod nila ug trabaho usa sila paulion, matud pa ni DFA Undersecretary Esteban Conejos karong adlaw nga Lunes. May 600 na ang nahiuli sa nasud diha sa pag-abot sa Manila niadtong Sabado sa laing hut-ong nga gilangkuban sa 56 ka mga magtratrabaho. Si Conejos nagkanayon nga ang tanang nahibalik sa nasud nga OFWs mga babaye kinsa nagtrabaho isip domestic helpers sa nagkalain-laing mga dapit sa Syria. Ang kadaghanan sa ila wala moagi sa ensakto nga proseso sa pagpanguha sa trabaho kinsa nakahimo ug mas dako nga mga hagit sa ilang pagpabalik sa nasud. Ako makaingon ug seguro nga usa o duha lang ang miagi sa proseso. Kadtong uban wala na moagi. Ang nagkuha sa ila nga mga taga Syria na gyud. Mao kadto ang gidili sa atong balaud, matud pa ni Conejos. Ang gobyerno sa Pilipinas nag-implementar sa programa sa gimando nga pagpapauli sa nasud katapos ang DFA mipasaka sa pagka-alerto sa krisis sa Syria ngadto sa ika-upat nga lebel pipila ka semana ang milabay. Si Conejos nagkanayon nga ang gobyerno nagtutok sa upat ka mga dapit sa Syria nga mao ang Homs, Hama, Idlib ug Daraa kinsa naapektuhan kayo sa kagubot, nga nag-ingon nga ang usa ka task force ang maglantaw sa mga OFWs ang giumol na. (Translated by RSVictoria-PIA 8 BILIRAN) | 
