PIA Press Release
Tuesday, January 10, 2012 Cebuano news: Karon mao ang bulawanong oportunidad pagpanday sa kasabutan sa kalinaw - Leonenni Claro A. LanipaPAGADIAN CITY, Jan 10 (PIA) -– Subli gibutyag sa Government of the Philippines kagahapon sa awhag niini ngadto sa Moro Islamic Liberation Front (MILF) aron sa pagpanday sa kasabutan sa kalinaw sulod ning unang kuwarter sa 2012, samtang ang ika 24 nga formal exploratory talks tali sa duha ka partido gisugdan kagahapon didto sa Kuala Lumpur, Malaysia. “Ang bulawanong oportunidad sa pagpanday sa usa ka kasabutan mao ning unang mga bulan sa tuig,” miingon si Marvic Leonen, ang chief negotiator sa kagamhanan. Iyang gihatagan ug kamahinungdanon nga “ ang administrasyon karon gusto molantaw sa solusyon sa pangutana sa Bangsamoro nga molihok sa dili pa kini mobiya sulod sa upat ka tuig gikan karon.” Si Leonen nag-awhag sa MILF aron “pagdawat sa hagit pagpanday sa usa ka kasabutan sa mas sayo nga panahon, aron kini ma-implementar ug sa paghimo’g pagtantiya ug ipatakdo sa dili pa ang termino sa laing Presidente sa Republika.” Samtang, si Malaysian facilitator Tengku Dato Ab Ghafar Tengku Mohamed malaumon mipadayag nga makab-ot gayud sa duha ka mga partido sa kasabutan. “Naglaom ako nga ang umaabot nga bag-ong tuig moabot sa katapusan sa negosasyon ngadto sa kasulbaran sa problema sa Bangsamoro, miingon siya. (OPAPP/PIA9/CAL) | 
