PIA Press Release
Tuesday, January 10, 2012 Cebuano news: Aquino gikalipay ang plano sa international logistics group nga mamuhunan og $500-milyon dolyaresni Susil D. RagasSURIGAO CITY, Enero 10 (PIA) –- Gikalipay ni Pangulong Benigno S. Aquino III ang plano sa international logistics group Kuwait ug Gulf Link, nga mamuhunan og dugang $500-milyon dolyares sa Pilipinas. Si Saeed Dashti ang Chairman ug Managing Director sa KGL Group of Companies, uban kang Marsha Lazareva ang Vice Chairman sa KGL Group of Companies ug Investment Director Mark Williams, nakigkita sa Pangulo didto sa Malacañang kagahapon Lunes aron personal nga mapaabot ang plano sa kumpanya nga mamuhunan. Ang grupo sa KGL namuhunan na og $200-milyon dolyares aron matukod ang Gateway Logistics Center, usa ka 177-hektarya nga proyektong kalamboan nga modumala sa mga patigayon ug operasyon sa aviation nga nahimutang sa Clark Export Processing Zone didto sa Pampanga. Si Trade Undersecretary Cristino Panlilio mingon ang dugang nga $500-milyon gamiton alang sa imprastruktura sa logistics, sama sa Public-Private Partnership (PPP)nga mga programa ug uban pang potensyal nga mga pamuhunan. Si Panlilio miingon nga ang Pangulo gusto nga masugdan na dayon kining maong mga plano apan mimando usab nga “everything wil have to bidded out transparently.” “He (President Aquino) welcomes this (KGL Group investment). This is definitely what we need here but of course everything will have to be bidded out transparently,” matud pa ni Panlilio. “We cannot give out extra or special favors but what we can offer you is a transparent bidding that will be done and will go straight to the departments and not to political patrons,” dugang pa niya. (PIA-Surigao del Norte) | 
