PIA Press Release
Tuesday, January 10, 2012

Cebuano News: SC misubli sa panawagan pagpataas sa suholan sa mga justices ug judges

Sa en banc resolution, gihatagan ug otoridad sa SC si SC Spokesman ug Court Administrator Atty. Jose Midas Marquez isip opisyal nga representante sa Legislative-Executive Relations Committee (LERCOM) ngadto sa Kongeso sa tinguha pagduso ug balaodnon nga maghatag ug allowance sa mga opisyales sa hudikatura.

Ang Korte Suprema nakaobserba nga adunay mga abogado nga nagkupot ug Salary Grade 28 (SG 28) positions nga wala mahatagi sa judicial ranking nga katumbas sa Metropolitan Trial Court (MeTC) judge diin kini nga sitwasyon posibleng moresulta sa pagdagsa sa mga hangyo pagpangayo ug special allowance nga motumbas sa Special Allowance for the Judiciary (SAJ).

Mokumpirma ang SC sa rekomendasyon sa Fiscal Management and Budget Office (FMBO) apan miusab kini sa petsa pagpasunod sa special allowance sa mga movant judiciary officials ngadto sa Hunyo1, 2011, chargeable sa savings sa regular appropriations sa mga korte diin nahisakop ang judiciary officials ug magdepende usab kini sa pondo.

Gimandoan sa SC ang Department of Budget and Management (DBM) paggahin ug pondo alang sa SAJ alinsunod sa Republic Act No. 9227 niadtong Nobyembre 2003 nga naghatag ug extra compensation sa mga judiciary officials.

Sa nahiuna, milagda ug memorandum of agreement (MOA) ang 540 sa 610 nga mga huwes kinsa mga miyembro sa Philippine Judges Association (PJA), Philippine Trial Judges League, Inc. (PTJLI) and Metropolitan and City Judges Association of the Philippines (METCJAP) ug DBM nga maghatag ug full special salaries and allowances, pagbayad sa adjusted salaries ubos sa Salary Standardization Law (SSL) ug pagbayad ug special allowances gawas pa sa basic salary sa mga opisyales sa hudikatura.

Samtang si Presidente Benigno Simeon “Noynoy” Aquino III milagda ug balaodnon niadtong Disyembre Dec. 27, 2010, nga mao ang General Appropriations Act of 2011, nga naglakip sa P14.65-bilyones nga budget sa hudikatura. Apan ang maong balaodnon wala maglakip sa SAJ claims sa mga huwes ug uban pang mga retirado nga mga opisyales sa hudikatura.

Sukad pa sa administrasyon ni kanhi President ug karon Pampanga (2nd District) Rep. Gloria Macapagal-Arroyo, kapin sa P900 milyones nga lakip sa kamandoan sa SC ang wala pa maimplementar. # (Translated by LPT/PIA8 Biliran)