PIA Press Release
Tuesday, January 10, 2012 Cebuano news: Kaluwasan sa langyaw nga mga turista giseguro-MalacanangMANILA, January 10 (PIA) -– Ang Malacanang karong Martes nag-awhag sa dili paghatag ug dakong pagtagad sa bag-o pa lang nga travel advisory sa gobyerno sa Australia ngadto sa molupyo niini batok sa pagbiyahe sa Pilipinas tungod sa posible nga mga hadla sa ilang kaluwasan, sa pag-ingon nga kontrolado sa kapulisan ug militar ang sitwasyon sa pagmentenar sa kalinaw ug kahapsay sa nasud. Sa press briefing, si Presidential Spokesperson Edwin Lacierda miseguro sa kaluwasan sa mga Pilipinhon ug ingon man sa mga turistang langyaw. Kita nagrespeto sa travel advisory apan kita miseguro sa publiko, kita miseguro sa mga turistang Australyano dinhe ug ingon man sa kaluwasan sa bisan kinsang turista, matud pa ni Lacierda. Kontrolado nato ang sitwasyon mao nga atong gibuhat ang angay buhaton kagahapon ug sa pipila pa ka mga adlaw usa ang Kapistahan sa Itom nga Nazareno, dugang pa niya. Sa milabay nga Dominggo, si Presidente Benigno S. Aquino III nagtug-an sa posibilidad nga ang Kapistahan sa Itom nga Nazareno niadtong Lunes (Enero 9) pagagubuton sa wala mailhi nga mga malapason sa balaud. Ang Presidente nag-awhag niadtong mga nagplano sa pagtambong ning tuiga nga prosesyon sa pagkamabinantayon diha sa iyang pagmando sa mga pwersa sa seguridad sa Manila diha sa taas nga pagka-alerto. (translated by RSVictoria/PIA 8 Biliran) | 
