PIA Press Release
Tuesday, January 10, 2012 Cebuano news: Nagkadaghang reaksyon sa bag-ong tourism slogan nag-matuod nga epektibo ang kampanya sa DOT -- PalasyoMANILA, Jan. 10 (PIA) -- Ang nagasaka nga gidaghanon sa mga pagbuyag sa bag-ong panultihon sa Department of Tourism, ma-online man o sa print media, maoy pruyba nga ang kampanya pagdani og mga turista sa Pilipinas naglihok, usa ka opisyal sa Palasyo nagkanayon pagka Domingo. Si Deputy Presidential Spokesperson Abigail Valte miingon nga nagkadaghan ang mga Filipino nga “on board” kon misakay ug miduyog sa kampanya sa gobyerno pagpadayag sa nasud ingon nga pinaka-anindot nga lugar nga bisitahan karong tuiga 2012. Ang DOT bag-ohay pa lang milusad sa “It’s more fun in the Philippines”, kon mas alegre sa Pilipinas, nga kampanya isip tipik sa gipahugtan nga paningkamot pagduso sa nasud ingon nga usa ka premiere tourist destination. Matud ni Valte ang mga debate ug intriga nga mitumaw gumikan kay nakablit sa bag-ong slogan nag-timaan lamang nga mas alegre ug nindot, tinuoray, dinhi sa atua sa Pilipinas. Nagpadayag siyag kompyansa nga kining bag-ong kampanya sa DOT molampos sa pagdala sa bul-og nga kadaghanon mga tourist arrivals karong tuiga. Niya pa nga anha masukod unsa ka epektibo ang maong panultihon kon molampos na gyod kini paghakot sa mga turista sa pag-anhi sa Pilipinas. (Translated by Bong/PIA-Southern Leyte) |
