PIA Press Release
Wednesday, January 11, 2012 Cebuano news: Aquino mihatag kaseguhuran sa mga sundalong Filipino sa mapadayonong suporta sa kagamhananby Gideon C. Corgue PAGADIAN CITY, Jan. 11 (PIA) –- Si Presidente Benigno S. Aquino III ang mihtag kaseguurhan sa matag-sundalong Filipino sa mapadayonong suporta sa kagahanan aron pagpalambo sa ilang kinabuhi ug sa ilang paningkamot nga pagbag-o sa ilang mga kasangkapan nga makahatag ug maayo nga serbisyo ngadto sa katawhang Filipino. Sa iyang pakigpulong atol sa gipahigayon nga Philippine Air Force (PAF) Change of Command and Retirement Ceremony ni Lt. Gen. Oscar Rabena sa Grandstand sa Jesus Villamor Airbase sa dakbayan sa Pasay ning nakalabay nga Martes, ang Presidente mitumbok sa panlimbasog ug dedikasyon sa matagsundalo ilabi na gikan sa PAF sanglit kini ang misaad pagpadayon pagtanyag sa mga malambuong proyekto alang sa epektibo nga serbisyo ngadto sa mga katawhan. Ang Presidente nagpasalamat sa dalaygon nga mga buhat ni outgoing Air Force chief Lt. Gen. Oscar Rabena pagmentenar sa kahusay ug kalinaw ug pagdepensa sa kaharian sa nasud. Sa pagpangatungdanan ni Rabena isip PAF commanding general nakatabang pag-ayo sa mga paningkamot sa administrasyon ni Aquino nga pagpalambo sa kinabuhi sa PAF personnel ingon man ang pagpalambo sa ilang mga kasangkapan. Kining mga malamboong programa naglakip sa housing ug mga kasangkapan sa base military sa nasud. Si Presidente Aquino ang mipadayag sa iyang hingpit nga pagsalig sa bag-o nga hepe sa PAF nga si Maj. Gen. Lauro Catalino dela Cruz tungod kay ilawom sa iyang pagpangatunfdanan, ang “Airmen” nagpdayon pagtanyag sa ilang serbisyo alang sa ilang mga kaigsoonan ug nagpunting paghimo sa ilang mga katungdanan base sa ilang pagkamatarong.. “Mitambong usab sa maong kalaihokan mao ang uban nga mga government officials nga gipanguluhan ni Executive Secretary Paquito Ochoa Jr., Defense Secretary Voltaire Gazmin, Armed Forces of the Philippines Chief of Staff Lt. Gen. Jessie Dellosa ug Philippizane National Police Chief General Nicanor Bartolome, ug uban pa. (JPA/GCC/PIA9-ZamboSur) | 
