PIA Press Release
Wednesday, January 11, 2012 Waray News: Malakanyang nagpatapod han katalwasan hadton mga langyawanon nga mga turista MANILA, Jan 11 – Nagpatapod an Malakanyang kakulop nga adlaw (Martes) bahin han kanan gobyerno han Australia dire pala maiha nga travel advisory hadton ira mga katawhan nga mga Australyano nga dire pumakanhi ha Pilipinas dara ini kay may-ada posibilidad nga tarhug o hulga panseguridad han aton nasud, pero an gobyerno en nagsering nga dire mabaraka kay an mga kapulisan ngan mga kasundalohan en aada nanginginano ngan nagpapabilin han ira kakomitido han ira responsabilidad para han kamurayawan han aton nasud. Dida hin usa nga press briefing, hi Presidential Spokesperson Edwin Lacierda en nagpatapod hadton katalwasan hadton mga katawhan Filipino hasta daman adton mga turista nga mga langyawanon. Sumala pa kan Lacierda, hiya en narespito hadton travel advisory han gobyerno han Australia, pero hiya en nagpatapod han publiko, labi na gud an mga turista nga mga Australyano nga aanhi ha aton nasud ngan hin iba pa nga mga turista nga mga langyawanon han ira kaligtasan ug katalwasan. Hadton nakalabay nga Domingo, hi President Benigno C. Aquino III en nagpahibaro nga may-ada mga dire kinikilala nga mga magraut nga mga tawo nga may panuyo hin pagsamok han prosesyon han Feast of the Black Nazarene hadton nakalabay nga Lunes (Enero 9). An Presidente en nag-aghat hadton mga katawhan nga may-ada plano hin pag-atendir han ikina-tuig nga prosesyon nga magin-ikmat sanglit hiya en nagsugo han mga kapulisan han Metro Manila nga ibutang hin high alert. (Translated by S. Candido/PIA-E. Samar) | 
