PIA Press Release
Wednesday, January 11, 2012 Cebuano News: Magbabalaod moduso og duha ka resolusyon alayon sa nahitabong kalamidad sa Iligan gumikan sa bagyong Sendongby Divina M. Suson ILIGAN CITY, Lanao del Norte, January 11 -- Duha ka resolusyon ang ipasa ni Iligan Congressman Vicente “Varf” Belmonte, Jr. sa pagbalik sa regular nga ‘session’ sa kongreso sunod semana. Sa usa ka panagtagbo, namahayag si Belmonte nga unang resolusyon ang iyang iduso mao ang pagpangayo ug dugang pa nga pundo alang sa dakbayan sa Iligan human kini ma-igo sa kalamidad tungod sa bagyong Sendong niadtong nakalabay nga Disyembre 16, 2011. Samtang ang ikaduhang resolusyon mao ang usa ka ‘congressional inquiry’ kabahin sa ilegal ng pagpangtroso o pagpamutol og mga kahoy sa kasikbit nga mga dapit ning dakbayan. Gumikan sa gikatahong ‘illegal logging,’ liboan ka mga troso ang naanod sa baha paingon dinhi sa Iligan nga matud pa maoy hinungdan sa kamatayon sa gatusan ka mga lumulupyo sa dakbayan ug daghan pa ang nawala sa kasamtangan. Sumala pa, ang maong mga troso maoy gamiton sa pagtukod ug mga balay sa mga biktimang pamilya ngadto sa gitudlong relocation site. (CIO/PIA-10) | 
