PIA Press Release
Wednesday, January 11, 2012 Cebuano news: Geosciences bureau miila sa mga barangay nga sagad mahitabo ang pagdahili sa yuta dinhe sa Eastern VisayasTACLOBAN CITY, Leyte, Jan. 11 (PIA) -– Sa pagtan-aw sa mga barangay sa Eastern Visayas kini nagpakita nga kasagaran sa mga kabarangayan ang sagad mahitabo ang pagdahili sa mga yuta. Sa 3,198 ka mga kabarangayan nga gitan-aw sa tibuok rehiyon sa Mines and Geosciences Bureau (MGB), 2, 531 ka mga barangay ang nailhan nga sagad mahitaboan sa mga pagdahili sa yuta. Ang mga nakaplagan mao ang basehan ni MGB regional director Roger de Dios sa pag-apelar ngadto sa mga lokal nga mga opisyales sa paghimo sa gikinahanglan nga mga pagpasabot aron malikayan ang mga insidente sa pagdahili sa yuta nga miresulta sa pagkakalas sa mga kinabuhi. Si De Dios mitataw nga ang responsibilidad sa pagpapahawa o pagpabalhin sa mga tawo nga namuyo sa mga barangay nga sagad mahitabo ang pagdahili sa yuta anaa sa mga kamot sa local nga mga opisyal kay ang MGB walay “police power’ sa paghimo ug pwersado nga pagpabalhin sa mga residente. Base sa talaan sa MGB, kadtong lagmit matandog sa pagdahili sa yuta sa Biliran miabot sa 99 sakob sa 113 ka mga barangay,;219 sakob sa 373 ka mga barangay sa Eastern Samar; 645 sakob sa 891 ka mga barangay sa Leyte; 386 sakob sa 490 ka mga barangay sa Northern Samar; 728 sakob sa 863 sa Samar samtang 469 sakob sa 545 ka mga barangay sa Southern Leyte ang nailhan nga sagad mahitabo ang pagdahili sa yuta. Atong mahinumduman nga ang tibuok barangay sa Guinsaugon sa lungsod sa Saint Bernard sa Soutehrn Leyte ang nalubong sa dinagko nga mga pagdahili sa yuta niadtong Pebrero 2006. Ang maong insidente nakamatay ug libuan ka mga tawo. Ang MGB nagkanayon nga sa ilang pagtan-aw ug sa pag-ila sa mga barangay nga sagad madahilian ug yuta, ila dayon gipahibalo ug gisuhestyonan ang mga local nga mga opisyales sa pagpamiling ug paagi sa pagpabalhin sa mga residente gikan sa maong nadahilian nga dapit. (translated by RSV/PIA 8 Biliran) | 
