PIA Press Release
Thursday, January 12, 2012 Maguindanaon news: Cotabato gov inisugo su kapanigkem sa mga illegal a kapapadtroso endo minersKORONADAL CITY, Enero 12 (PIA) -– Kanu bala nu mga tiuba a nakasugat sa Mindanao iganat kanu minukit a lagun sabap sa kinabinasa nu musrik ataw ka kalikasan, sinumugo si Cotabato gubernadora Lala Taliño-Mendoza sa mga pulis, sundalo endo kaped pen a mga ahensiya nu guberno kanu kasigkem sa langun a mga illegal a kapadtroso endo mga grupo endo su indibiduwal a illegal a kabpamina kanu sakop nu prubinsya.Tigin ni Mendoza, su kapadtroso, kabpamina endo su aerial spraying ataw ka kapag-ispray ganat kanu pulo na inisapal sa Cotabato base kanu gugunay a Environment Code nu prubinsya a ini-among nin bon kanu miyembro pen sakanin kanu Sangguniang Panlalawigan. Ininggayan kanu kapantag ni Mendoza su environment code na isa a Bibliya nu lakanin a administrasyon labi den kanu kapanggulalan sa mga prugrama a aden lakit lambay nin kanu kapadtiyakap sa kalikasan ataw ka musrik. Su nadtelu a code, tigin ni Mendoza na dikana isa a ordinary a kitaban ataw ka gugunay a kitab. Idtatalus bon su kapanggulalan nu lokal a guberno nu prubinsya, a tagapada su Philippine National Police (PNP), Department of Environment and Natural Resources (DENR) endo su Sandatahang Lakas ng Pilipinas, su pulis a kontra kanu kabpamina endo su illegal a kapadtroso kanu bala nu kapanigkem a nakumpiska a mga troso, kapag-impound sa mga pagadan a inusal kanu mga nadtelu a illegal a aktibidad endo kapadsampay nu kaso kontra kanu nangasigken a nakadsala. Kanu gugunay pamberipayen den nu ahensya nu gubernadora su mga tudtulan nu small-scale mining operations kanu mga dalapa nu Arakan, Libungan, Tulunan endo su Magpet. (HMYoshioka/PIA 12) |
