PIA Press Release
Thursday, January 12, 2012

Waray News:PNoy nagbag-o han mga aludayday ha pagsuspender han mga klase, trabaho ha gobyerno dara han mga kalamidad

MANILA, Jan 12 -- Hi Pangulo Benigno S. Aquino III in nagpahiluag han mga balaud ha pagkanselar han mga klase ug trabaho ha gobyerno dara han bagyo upod an babaha, mga kalamaidad ug iba pa nga mga magraot nga panahon agud mapudngan an pagkawara hin kinabuhi.

Hi Executive Secretary Paquito N. Ochoa Jr. in nagsering han Huwebes nga an Pangulo in nagpagawas hin Executive Order No. 66 han Enero 9, nga nagpapasimple han mga pamaagi pagkanselar han mga klase ha panpubliko ug pribado nga mga eskwelahan ug trabaho ha gobyerno dara han mga kalamidad.

“Ini nga presidential issuance in usa nga deklarasyon han kanan gobyerno palisiya nga magkaada hin mga pitad nga magseseguro nga an publiko upod an mga estudyante ug mga empleyado han gobyerno, in talwas ha mga kadelikaduhan, ug mababantayan an ira mga kinabuhi,” sering ni Ochoa.

An EO 66 in nagtalaan hanmasunod nga mga aludayday ha pagkanselar han mga klase ha panpubliko ug pribado nga mga eskwelahan ug ha mga trabaho ha gobyerno:

• Signal No. 1 – An mga klase ha pre-school nga level, ha apektado nga mga lugar, in kanselado o suspendido.

• Signal No. 2 – An mga klase ha pre-school, elementary ngan sekondarya, ha apektado nga mga lugar in kanselado o suspendido.

• Signal No. 3 – An mga klase ha pre-school, elementarya, secondarya ug tersira, ha apektado nga mga lugar, upod an graduate school, ug an trabaho ha mga opisina ha gobyerno in kanselado o suspendido. (Translated by GTT/PIA/PCOO)