PIA Press Release
Thursday, January 12, 2012 Cebuano news: DOST nagtanyag sa usa ka energy consumption audit sa mga buhatanDAVAO CITY, Jan. 12 (PIA) -- Tungod sa nakitang umaabot na power shortage nga paga atubangon na usab dinhi sa Mindanao, ang Department of Science and Technology (DOST) Region XI ang andam na karon aron sa paglunsad sa ilang DREAM Team aron sa pag audit sa enerhiya nga nakunsumo sa mga establisemento sa negosyo ug uban pang sektor dinhi sa atong rehiyon.“If we can’t add power, let us reduce power consumption,” matud sa DOST-XI assistant regional director Elsie Solidom atol sa usa ka pakighinabi sa Club 888 didto sa Marco Polo Hotel niining dakbayan. Ang DREAM Team o Davao Region Energy Audit and Management Team nga gilangkuban kasagaran sa mga eksperto, engineers, apil usab ang pribadong indibidwal nga adunay saktong kina-adman ug mga kahiman ug ekipo aron sila unya andam ug makahimo na unya sa energy audits ngadto sa mga establisimento nga nagkinahanglan sa maong partikular na serbisyo. Ang DOST nagtu-o nga ang energy audit maoy usa ka maayong unang lakang aron kita musamot nga makatigom pinaagi sa pag siguro sa eksaktong paggamit sa atong mga ekipo ug mga electronic nga paggamit sa atong mga buhatan. Kini nakita nga gikinahanglan sa halos tanan nga industriya nga gusto nga mukunhod ang ilang galastusan pinaagi sa pagsiguro eksakto ug organisado ang pag gamit sailing mga gadget ug appliances. Ang DOST nagsugod na sa pag inspeksiyon sa ila mismo buhatan ug ila na nga gikambyu-an ang ang ilang mga ordinaryong fluorescent nga suga ngadto sa T5 nga mga suga. Ang mga eksperto nagsulti nga 30% sa kunsumo sa atong mga suga ang mukuhod sa panahon nga atong alisdan T5 ang atong mga fluorescent nga suga. Ang DREAM Team nagsugod na sa gitawag ug energy audits ngadto sa mga small and medium enterprises nga maoy naglangkoob sa atong negosyo dinhi sa atong rehiyon. Ang DREAM Team usa ka multi-agency nga grupo nga adunay miyembro nga nag gikan sa Institute of Integrated electrical Engineers (IIEE), ang Bureau of Fire and Protection (BFP), ang University of Southeastern Philippines (USEP), ang University of Mindanao u gang DOST XI. Ang maong grupo andam na karon aron sa paghatag sa ilang serbisyo ngadto sa interesadong mga industriya dinhi sa atong rehiyon. Kini makatabang sa mga industriya aron sa pag pahimutang sa ilang energy conservation nga mga tumong, pagila sa mga lugar kun diin dapita nasayang ang ilang enerhiya, relate energy consumption to production, improve process/equipment efficiencies, recommend energy saving opportunities. Usa sa miyembro sa DREAM Team ang naghatag sa iyang suhistyon aron sa pagkambiyo sa mga karaang mga appliances ngadto sa mga bag-o ug epesiyente nga muresulta unya sa pagkunhod sa konsumo sa kuryente. Sila usab maka himo sa pag sukod sa matigom unya sa usa ka establisemento human sundon ang mga rekomendasyon nga naggikan sa maong grupo. Ang DREAM Team karon nagadawat na sa mga hangyo sa serbisyo alng sa usa energy audit sa ilang mga establisemento. (PIA 11/Albert D. Cahilog) | 
