PIA Press Release
Friday, January 13, 2012 Cebuano News: Mga namakwit sa pipila ka tunghaan gitinguhang mabalhin ngadto sa mga temporary shelter siteby Boy Decena ILIGAN CITY, Lanao del Norte, January 13 -- Gipangitaan og paagi sa kagamhanang lokal nga maggamit na sa klase ang mga tunghaan nga gihimong evacuation centers sa mga nakaluwas sa bagyong Sendong. Kini mao ang nasayran gikan ni City Councilor Frederick Siao kinsa mao ang gitahasan ni Mayor Lawrence Lluch Cruz nga modumala sa evacuation center operations. Sumala pa ni Siao, aduna na’y pipila ka mga temporary shelter sites nga gikonsidera sa pagkakaron. Pipila niini mao ang Laville Gym, Bahayan Gym ug Upper Hinaplanon Gym. Gilaraw nga ibalhin mao ang mga ‘evacuees’ nga anaa pa sa Ubaldo D. Laya Memorial Central School, Luinab Elementary School ug Tambacan Elementary School. Sa pagkakaron aduna na’y mga evacuees gikan sa Echavez Elementary School nga hinay-hinay nang nabalhin sa gipanag-iyang luna ni Congressman Varf Belmonte diha sa Barinaut gamit ang mga tolda gikan sa usa ka ‘international agency.’ (CIO/PIA-10) | 
