PIA Press Release
Sunday, January 15, 2012 Cebuano news: Gov. Ramiro midasig sa Tangub nga ipadayon ang ‘Christmas Symbol Festival’by Pat Nano OROQUIETA, Misamis Occidental, Jan. 15 (PIA) -- Kun’ ang Tangub City gipasigarbo sa ubang mga syudad ug probinsya sa Mindanao, unsa pa kaha si Governor Hermie Ramiro nga ani-a gayud nahimotang ang maong dakbayan sa iyang gialagarang probinsya. Kini human nakatampo ang Tangub City sa mga kalihukan nga may kalambigitan sa natad sa industriya sa turismo ug pagdasig usab sa kulturang Misamisnon. Matud pa sa gobernadora nga ang gihmo ug nakab-ot nga kalampusan sa Tangub City, dako kaayo kini og tabang labina nga ang kagamhanang probinsyal ilalom sa iyang administrasyon, nagdasig nga mapakusog ang industriya sa turismo sa Misamis Occidental gumikan sa ekonomikanhong kahimoan nga mahatag unya niini sa probinsya. Gumikan niini, iyang gipasalamatan ug mas gidasig pa niya ang kagamhanang lokal sa Tangub City sa pagpadayon sa maong programa gumikan kay dalan kini nga mas maila pa ang Misamis Occidental sa tibuok Pilipinas o sa tibuok kalibotan sa natad sa kulturang Pilipinhon ug turismo. Kahinumduman nga ang Tangub City, Grand Champion kini sa Sinulog Festival Major Category sulod sa napulo kapin na katuig ug naila usab kini nga the Christmas Symbols Capital sa Nasud. (PIO/PIA-10) | 
